Ka Sngi ki Soh Nyngkong & ka Jingkyrmen ia ka Jingmihpat

Ka Sngi ki Soh Nyngkong, Kaba la Mih Tynrai Na ka Eksodos, bad ka Sngi ka Jingmihpat jong U Jisu Ki Iadei kum Ka Jingiathuhlypa bad ka Jingpyndep

Ka Sngi ki Soh Nyngkong ha ka Testament Barim ka dei ka Sngi ka Jingmihpat ha ka Testament Bathymmai. Ka dei ka jingiathuhlypa kaba dei ban pyndep ha ka sngi U Blei.
Ka dei ha ka sngi nyngkong ka taiew ba ki khun Israel ki la mih na Ijipt bad ki la poi sha shiliang ka Duriaw Basaw. U Blei u la thung ia kane ka sngi kum ka Sngi ki Soh Nyngkong, bad u la hukum ia ki khun Israel ban rakhe ia ka ha ka sngi hadien ka Sabbaton (sngi U Blei) man la ka snem. U Jisu u la mihpat ha ka sngi nyngkong ka taiew (sngi U Blei), u da pyndep ia ka jingiathuhlypa jong ka Sngi ki Soh Nyngkong.

U Khrist Ahnsahnghong bad Ka Blei Ka Kmie ki la Hikai ia Ngi ia ka Tynrai bad ka Jingmut Bashisha jong ka Sngi ka Jingmihpat

Katba kum ka jingiathuhlypa jong ka Sngi ki Soh Nyngkong, haba la ainguh ia U Blei shisong u soh nyngkong ka jong ka jingot, U Jisu u la mihpat kum u soh nyngkong na kita kiba la iohthiah noh bad u la ai ia ka jingkyrmen jong ka jingmihpat sha u bynriew baroh. Da kaba ngeit ia kane, ka Balang U Blei ka rakhe ia ka Sngi ka Jingmihpat man la ka snem.

Bad U Trai u la kren ha U Moses, u da ong, “. . . ynda kumta phin wallam shisong u soh nyngkong ka jong ka jingot jong phi ha u lyngdoh; bad un kaweh ma u ia kata ka song ha khmat U Trai, ba kan long ba la pdiang hun na ka bynta jong phi: u lyngdoh un kaweh ia ka ha kaba lashai hadien ka sabaton.”
Lebitikos 23:9–11

Te ha ka sngi nyngkong ka taiew, haba kan sa shai byrngut, ki la leit sha kata ka jingtep, ki da rah ia ki jingiwbih ia kiba ki la iapynkhreh. Bad ki la shem ba la pyntyllun noh ia u maw na kata ka jingtep. Haba ki la iabsut hapoh te, kim shym shem ia ka met jong U Jisu uba U Trai . . . “Balei phi wad ia uba im hapdeng kiba iap? Um don hangne, hynrei u la mihpat . . .”
Loukas 24:1–6