Lam Rwmani Jorani Simi Chengjakmani, Tháiswkangni Sal, tei Jisu Thangwi Bachamani Sal Kόk Diyari tei Pura Wngmani Bai Kwrwng Laijak
Swmai Kwchamni Tháiswkangni Sal wng kha Swmai Kwtalni Thangwi Bachamani Sal. Omo wng kha Kόktisalo pura wngnani bagwi sajak mani kaisa kόk diyari.
Israilsarok Ijipni ongkhorwi phaiui Twijlang Kwchakno barlai mani abo wng kha hatibarni puilani salo. Kaitor o salno Tháiswkangni Sal hwnwi chong kha, tei Israilsarokno bisi brúmno Sabatni teini salo [Kόktisal] tẃi nani bagwi rw kha. Tháiswkangni Salni kόk diyarino pura khlaiui Jisu hatibarni puilani salo [Kόktisal] thangwi bacha kha.
Khristo Ahnsahnghong tei Ama Kaitor Chwngno Thangwi Bachamani Slani Chengjakma tei Sόi Kόkmangno phrwng kha
Puilani bwthái bwchwlwi Kaitorno yapharmani sal, Tháiswkangni Salni kόk diyarini mote, Jisu kwthwirokni tháiwkangni bwthái hai wngwi thangwi bacha kha tei bororokno thangwi bachanani asabo rw kha.
Omono poito khlai laiui, bisi brúmno Kaitorni Motha Thangwi Bachamani Salno tẃi lai-o.
Hakhe Subraiyung Musino hai hwnwi sa kha, . . . hukba-habani mai khul ra phuru nwng abórokni chopsa ochaino rw phai di. Bo abono Subraiyungni bwskango homwi ma yapharnai abo hai khe nwng yachakjaknai, Sabat salni teini salo ochai abono ma homnai.
Lebi 23:9-11
Kaitho Salo phung aisirisiri a bwrwirok bórok snammani a thok motomno tlangwi mangkhoro tháng lai kha. Bórok thángwi mangkhor duglamni a holongdapno girok rwui norjak nugwi kha. Hakhe bórok bisingo habwi tháng kha; tamo khe bórok Jisuni mangno nugwi li ya. . . . “Borok kwthangno ba norok tamo wngwi kwthwirokni bisingo naitugwi tong lai? Bo oro kwrwi kha, bo mwthangwi tisajak kha,
Luk 24:1-6
- আগের তারিখ
- 2022. 04. 16
- সহানুভূতি
- 0
