Letsatsi la Mabutswapele le le Tlholegileng go tswa ko Ekesodo, le Letsatsi la Tsogo ya ga Jeso a a Tsamaisana e le Polelelopele le Tiragatso.
Letsatsi la Mabutswapele mo Kgolagano e Kgologolo ke Letsatsi la Tsogo mo Kgolagano e Ntšha. Ke polelelopele e e neng ya diragadiwa ka Tshipi.
E ne e le letsatsi la ntlha la beke fa Baiseraele ba tswa kwa Egepeto mme ba fitlha kwa letlhakoreng le lengwe la Lewatle le le Hibidu. Modimo O tlhomile letsatsi le e le Letsatsi la Mabutswapele, mme a dira gore Baiseraele ba le tshegetse ka letsatsi le le latelang go tswa mo go la Sabata (Tshipi) ngwaga le ngwaga.
Keresete Ahnsahnghong le Modimo Mmaetsho Ba re rutile Tlholego le Bokao ja Nnete ja
Letsatsi la Tsogo.
Go ya ka polelelopele ya Letsatsi la Mabutswapele, fa ngata ya ntlha ya thobo e neelwa Modimo, Jeso O ne a tsoga e le motsalwapele go tswa mo go ba ba robetseng mme a fa tsholofelo ya go tsoga mo baswing go batho botlhe. Ka go dumela se, Kereke ya Modimo e tshegetsa Letsasti la Mabutswapele ngwaga le ngwaga.
Morena a ba a raya Moše a re: “. . . lo ise ngata ya ntlha ya mabutswapele a lona kwa go moperesiti. Ene a kgadikanye ngata eo fa pele ga Morena gore lo kgatlhe Morena ka yona. Moperesiti a e kgadikanye ka letsatsi le le tlhomaganang le la Sabata.”
Lefitiko 23:9-11
E rile ka letsatsi la ntlha la beke, e sa le phakela, ba tla kwa phupung, ba tshotse makga a ba a baakantseng. Ba fitlhela lentswe le pitikolotswe mo phupung. Ya re ba tsena mo teng, ba se ka ba fitlhela setoto sa Morena Jesu. . . “Lo batlelang mophedi mo baswing? Ga a yo fa, mme o tsositswe.”
Luka 24:1-6
- Post Date
- 2022. 04. 16
- Emotion
- 0
