ဝတ်ပြုကိုးကွယ်ခြင်းနှင့် အပြစ်ခွင့်လွှတ်ခြင်း

အသက်ပင်ဆီသို့ သွားနိုင်သော အပြစ်ခွင့်လွှတ်ခြင်းကို ခွင့်ပြုပေးသော ဝတ်ပြုခြင်း

ဓမ္မဟောင်းကျမ်းထဲက ယဇ်ပူဇော်ခြင်းမှာ အပြစ်သားတွေရဲ့ နောင်တရခြင်းနဲ့
ဘုရားသခင်ရဲ့ အပြစ်ဖြေခြင်း ပါဝင်ပါတယ်။ အာဒံနဲ့ ဧဝဟာ ပထမဦးဆုံး အပြစ်ကို
ကျူးလွန်ခဲ့ပြီးတဲ့နောက်၊ ဘုရားသခင်ဟာ ကာဣနနဲ့အာဗေလကို အသက်ပင်ဆီ
ပြန်သွားနိုင်ဖို့အတွက် ယဇ်ပူဇော်ခြင်းကို ခွင့်ပြုပေးခဲ့ပါတယ်။ ယဇ်ပူဇော်ခြင်းဟာ
မောရှေခတ်အထိ ဆက်သွားခဲ့ပြီး၊ ဓမ္မသစ်ခေတ်မှာ ဝတ်ပြုကိုးကွယ်ခြင်းအဖြစ် ပြောင်းလဲသွားခဲ့ပါတယ်။

တိရစ္ဆာန်များ၏နေရာတွင် အပြစ်ဖြေရာပူဇော်သက္ကာဖြစ်လာခဲ့သည့် ယေရှုခရစ်၊ ခရစ်တော်အန်ဆန်ဟုန်း

ဘုရားသခင်ဆီကိုပေးအပ်တဲ့ ဝတ်ပြုခြင်းမရှိဘူးဆိုရင်
ကျွန်ုပ်တို့ဆီ အပြစ်ခွင့်လွှတ်ခြင်းကို ဘယ်တော့မှ ပေးလို့မရပါဘူး။

ဓမ္မဟောင်းခေတ် ဝတ်ပြုခြင်းအားလုံးမှာ တိရစ္ဆာန်တွေဟာ အပြစ်သားတွေရဲ့
ကိုယ်စား အသွေးသွန်းခဲ့ကြပါတယ်။ ဒါပေမဲ့ ဓမ္မသစ်ခေတ်မှာ ယေရှုခရစ်
ကိုယ်တိုင်ဟာ အပြစ်ဖြေရာပူဇော်သက္ကာအဖြစ် အပူဇော်ခံပေးခဲ့ပါတယ်။
ဒါကြောင့် ကျွန်ုပ်တို့ဟာ ယေရှုခရစ်က သူ့ရဲ့ပေးဆပ်ခြင်းနဲ့
တည်ထောင်ခဲ့တဲ့ ဝတ်ပြုကိုးကွယ်ခြင်းအားလုံးကို နာမ်ဝိညာဉ်၊ သမ္မာတရားနဲ့ စောင့်ရှောက်ရမှာ ဖြစ်ပါတယ်။

မေလခိဇေဒက်၏ထုံးတမ်းစဉ်လာအတိုင်း ယဇ်ပုရောဟိတ်မင်းဖြစ်သော
ခရစ်တော်အန်ဆန်ဟုန်း

ယေရှုခရစ်က ယဇ်ပုရောဟိတ်မင်းဖြစ်လာတယ်ဆိုတာဟာ
ကျွန်ုပ်တို့က ဝတ်ပြုကိုးကွယ်ခြင်းကို ဆက်လက်ပြီးပေးရမယ်လို့
ဆိုလိုတာဖြစ်ပါတယ်။ ဘုရားသခင်၏အသင်းတော် မိသားစုဝင်တွေဟာ
ဥပုသ်နေ့နဲ့ ပသခါစတဲ့ ဝတ်ပြုခြင်းအားလုံးကို သန့်ရှင်းစွာစောင့်ပြီးတော့၊
ဘုရားသခင်ကတိပြုထားတဲ့ အပြစ်ခွင့်လွှတ်ခြင်းနဲ့ ကောင်းကင်မျှော်လင့်ခြင်းဆီ လျှောက်လှမ်းနေကြပါတယ်။

“ယုံကြည်နားထောင်သောသူအပေါင်းတို့အား ထာဝရကယ်တင်ခြင်းကျေးဇူးကို
ပြုသောသူဖြစ်တော်မူ၍၊ မေလခိဇေဒက်ကဲ့သို့သော ယဇ်ပုရောဟိတ်မင်းဟု
ဘုရားသခင် သမုတ်တော်မူခြင်းကိုခံရ၏။” ဟေဗြဲဩဝါဒစာ ၅:၉-၁၀