Ang Pananampalataya at ang Kalooban ng Diyos

Sinusubok ng Diyos ang Puso ng Kanyang mga Anak sa Pamamagitan ng Paglalagay sa Kanila sa mga Kalagayang may Kakulangan at Kahinaan

Mag-isang hinarap ni Elias ang 850 bulaang propeta; tinalo ng batang si David ang higanteng si Goliat; ang 300 mandirigma ni Gideon ay nakipaglaban sa 135,000 mandirigma ng Midian; nagdusa ang mga Israelita sa disyerto nang 40 taon, at nangaral ng ebanghelyo ang sinaunang Simbahan sa gitna ng pag-uusig at kamatayan. Sa gitna ng mga paghihirap na ito, nadalisay ang kanilang puso at kinalugdan ng Diyos ang kanilang pananampalataya, hanggang sa makamit nila ang tagumpay.

Paano Pinagpapala ng Diyos, na Nakakakita ng Wakas mula sa Pasimula, ang Kanyang mga Anak

Alam ng Diyos na magdurusa at hahadlangan ng diyablo ang Kanyang mga anak. Kaya bago Siya gumawa ng mga himala, hinubog muna Niya sila na magkaroon ng takot sa Diyos, pananampalataya, pag-asa, pag-ibig, at pusong lumalayo sa kasamaan at gumagawa ng kabutihan.

Ang dalisayan ay para sa pilak at ang hurno ay sa ginto, ngunit sinusubok ng PANGINOON ang mga puso. Proverbs 17:3

“na nagpapahayag ng wakas mula sa pasimula, at mula nang mga unang panahon, ng mga bagay na hindi pa nangyayari; na nagsasabi, ‘Ang layunin ko ay maitatatag, at gagawin ko ang lahat ng aking kaligayahan’ ” Isaiah 46:10