ຄວາມເຊື່ອ ແລະ ພະປະສົງຂອງພະເຈົ້າ

ພະເຈົ້າຊົງທົດລອງຈິດໃຈຂອງບັນດາລູກຂອງພະອົງ ໂດຍການວາງພວກເຂົາໄວ້ໃນຖານະທີ່ທີ່ຂາດເຂີນ, ເສຍປຽບ ແລະ ອ່ອນແອ

ເອລີຢາໄດ້ຕໍ່ສູ້ກັບຜູ້ປະກາດພະຄໍາປອມ 850 ຄົນພຽງລໍາພັງ, ດາວິດໄດ້ເອົາຊະນະໂກລີອາດຜູ້ເປັນຄົນຮູບຮ່າງໃຫຍ່ສູງ, ນັກຮົບ 300 ຄົນຂອງກີເດໂອນໄດ້ຕໍ່ສູ້ກັບກອງທັບຊາວມີດີອານ 135,000 ຄົນ, ຊາວອິດສະລາເອນໄດ້ທົນທຸກທໍລະມານຢູ່ໃນຖິ່ນແຫ້ງແລ້ງກັນດານເປັນເວລາ 40 ປີ ແລະ ບັນດາຜູ້ເຊື່ອຖືໃນຄິດສະຕະຈັກຕອນຕົ້ນໄດ້ປະກາດຂ່າວປະເສີດ ໃນຂະນະທີ່ປະເຊີນກັບການຂົ່ມເຫັງ ແລະ ການເສຍສະຫຼະຊີວິດ. ໃນທ່າມກາງຄວາມຍາກລໍາບາກ, ຈິດໃຈຂອງພວກເຂົາໄດ້ຮັບການຫຼໍ່ຫຼອມ ແລະ ຄວາມເຊື່ອຂອງພວກເຂົາໄດ້ຮັບການຍອມຮັບຈາກພະເຈົ້າ. ໃນທີ່ສຸດ, ພວກເຂົາກໍໄດ້ຮັບສະຫງ່າລາສີແຫ່ງໄຊຊະນະ.

ວິທີທີ່ພະເຈົ້າຜູ້ຊົງເຫັນຈຸດຈົບຕັ້ງແຕ່ຕົ້ນ ຊົງອວຍພະພອນແກ່ບັນດາລູກຂອງພະອົງ

ພະເຈົ້າຊົງເຫັນລ່ວງໜ້າວ່າ ບັນດາລູກຂອງພະອົງຈະຕ້ອງທົນທຸກທໍລະມານ ແລະ ປະເຊີນກັບການຂັດຂວາງຈາກມານຮ້າຍ. ເຖິງຢ່າງໃດກໍຕາມ, ໂດຍຜ່ານການຫຼໍ່ຫຼອມ, ກ່ອນອື່ນໝົດພະອົງໄດ້ຊົງນໍາພາພວກເຂົາໃຫ້ມີຄວາມຢໍາເກງໃນພະອົງ ພ້ອມກັບຄວາມເຊື່ອ, ຄວາມຫວັງ, ຄວາມຮັກ ແລະ ຈິດໃຈທີ່ປະຕິເສດຄວາມຊົ່ວ ແລະ ສະແຫວງຫາຄວາມດີ ກ່ອນທີ່ຈະຊົງທໍາການອັດສະຈັນເພື່ອພວກເຂົາ ໂດຍລິດອໍານາດອັນຍິ່ງໃຫຍ່ຂອງພະອົງ.

ເງິນຄໍາຖືກທົດລອງດ້ວຍໄຟສັນໃດ ໃຈມະນຸດກໍຖືກພະຜູ້ເປັນເຈົ້າລອງເບິ່ງສັນນັ້ນ. ສຸພາສິດ 17:3

ຕັ້ງແຕ່ຕົ້ນເຮົາກ່າວໄວ້ກ່ອນເຖິງສິ່ງທີ່ມີມາ ແຕ່ດົນນານເຮົາໄດ້ບອກເຖິງສິ່ງທີ່ຈະເກີດຂຶ້ນ. ເຮົາບອກວ່າແຜນການຂອງເຮົາບໍ່ເຄີຍລົ້ມເຫຼວ ເຮົາເຮັດທຸກໆສິ່ງຕາມທີ່ເຮົາຢາກເຮັດ. ເອຊາຢາ 46:10