Ka Jingngeit bad ka Mon U Blei

U Blei U Tynjuh ïa ki Dohnud jong ki Khun jong U da Kaba Buh ïa Ki ha ka Jaka ba Donkam, ki Jingduna, bad ki Jingtlot.

U Elijah marwei u la ïaleh pyrshah ïa ki 850 ngut ki nongïathuhlypa balamler; u khynnah Dabid u la jop ïa u rangbah Goliath; ki 300 ngut ki shipai jong u Gideon ki la ïaleh pyrshah ïa ki shipai Midian kiba 1 lakh 35 hajar ngut; ki Israel ki la shah shitom ha ka ri khlaw haduh 40 snem, bad ki riewkhuid jong ka Balang bamynshuwa ki la ïalap ïa ka gospel katba ki dang ïakynduh ïa ka jingshah pynshitom bad ka jingshah pyniap martyr. Hapdeng ki jingeh, la pynkhuid ïa ka dohnud jong ki, bad ka jingngeit jong ki la pdiang da U Blei; ha kaba kut, ki la ïoh ïa ka burom jong ka jingjop.

Kumno U Blei, Uba Ïohi ïa ka Jingkut Naduh ka Basdang, U Kyrkhu ïa ki Khun Jong U

U Blei u la ïohi lypa ba ki khun jong U kin shah shitom bad ïakynduh jingeh na u ksuid. Hynrei, lyngba ka jingpynkhuid, U la ïalam nyngkong ïa ki ban rep ïa ka jingburom ïa U, ryngkat bad ka jingngeit, ka jingkyrmen, ka jingieit, bad ka mynsiem kaba kyntait ïa kaba sniew bad kaba bud ïa kaba bha, shuwa ban leh ïa ki kambah na ka bynta jong ki da ka bor ba khraw tam jong U.

U khiew pynphrang u long ïa ka rupa, bad ka lawar ding ïa ka ksiar: hynrei, U Trai uba tynjuh ïa ka dohnud. Proberb 17:3

“[U]ba da ïathuh ïa ka bakut naduh ka basdang, bad ïa kiei kiei ki bym pat leh naduh mynbarim; da kaba ong, ‘Ka jingthmu jong nga kan ïeng, bad ngan leh ïa la ka jingsngewbha baroh’: Isaïah 46:10