Na Mawe ni Tubu Vakalomalagi

O ira era lako ki lomalagi e tiko vei ira na mawe vakalomalagi e kila na Kalou.

Ena veivanua katakata ka lailai sara na veisau ni draki, e sega ni dau matata na mawe ni tubu ni veivunikau, ia na veivunikau era sa sotava na veisau ni draki, manumanu dauveivakarusai, lauqa, kei na waluvu, e matata vinaka na kedra mama ni tubu. Sa vakakina, na tamata yadua e tiko na nona veimawe ni tubu me kilai kina na mataqali bula cava e bulataka me baleta na matanitu vakalomalagi. O koya gona, e bibi me vakayacori na loma ni Kalou ena yalo gugumatua me vakabulai e dua na yalo.

Me vaka na Vosa, “Na tamata ena tamusuka na ka e kaburaka,” e gadrevi meda yalodina me yacova sara na mate.

Ena veisiga, era sa bulia tiko na tamata yadua na mawe ni tubu vakalomalagi e vale se e na lotu. Na noda vakasama ena gauna eda vunautaka kina na kosipeli, da tiko ena sokalou, ka da masu, e vakatau kina na noda veimawe ni tubu vakalomalagi. Ena soli vua na tamata yadua na veivakalougatataki kei na isau me vaka kina.

Sa qai kaya ko Jisu, “Rogoca, sa voleka sara na noqu lako yani! Au na kauta yani na i cocovi me'u solia vua na tamata yadua me vaka na nona i valavala. Vakatakila 22:12

Ni kevaka era sa kakaburaki ena nodra i tovo vakayago, era na tamusuka ga na mate; ia kevaka era kakaburaki ena veika ni Yalo Tabu , era na tamusuka na bula tawamudu mai na Yalo Tabu . Me da kakua kina ni oca ena caka vinaka ni da na tatamusuki ena kena gauna, kevaka eda sega ni datuvu koso. Kalatia 6:8–9.