រង្វង់ខ្លឹមស្ថានសួគ៌

[អស់អ្នកដែលទៅនគរស្ថានសួគ៌ មានរង្វង់ខ្លឹមដែលព្រះទទួលស្គាល់]

នៅតំបន់ត្រូពិច ដែលអាកាសធាតុមិនសូវប្រែប្រួល ដើមឈើជាទូទៅ មិនមានរង្វង់ខ្លឹមច្បាស់លាស់ទេ ប៉ុន្តែដើមឈើដែលបានរងទុក្ខលំបាកពីការប្រែប្រួលអាកាសធាតុ សត្វល្អិត គ្រោះរាំងស្ងួត និងទឹកជំនន់ គឺមានរង្វង់ខ្លឹមយ៉ាងច្បាស់វិញ។ ដោយបែបនេះ មនុស្សម្នាក់ៗក៏មានរង្វង់ខ្លឹមនៃជីវិតរៀងៗខ្លួន ដែលបង្ហាញពីរបៀបដែលបានរស់នៅសម្រាប់ស្ថានសួគ៌ដែរ។ ដូច្នេះ ការ​អនុវត្ត​តាម​ព្រះហឫទ័យ​របស់​ព្រះ​ដោយ​ចិត្ត​ខ្នះខ្នែង ​ដើម្បី​ជួយ​សង្គ្រោះ​ព្រលឹង​មួយ គឺ​ជារឿង​សំខាន់​ណាស់។

[តាមព្រះបន្ទូលថា «ដ្បិត​ពូជ​ណា​ដែល​មនុស្ស​ព្រោះ​ចុះ នោះ​នឹង​ច្រូត​បាន​ពូជ​នោះ​ឯង​វិញ» ដូច្នេះ យើងត្រូវមានសេចក្ដីជំនឿដ៏ស្មោះត្រង់ ដរាបដល់ស្លាប់]

ជា​រៀង​រាល់​ថ្ងៃ ទោះនៅផ្ទះ ឬនៅព្រះវិហារក្តី យើងម្នាក់ៗ​កំពុង​តែ​បង្កើតរង្វង់ខ្លឹមស្ថានសួគ៌ ​រៀងៗខ្លួន។ ផ្នត់គំនិត​ដែល​យើង​មាន​ នៅ​ពេល​ផ្សព្វផ្សាយ​ដំណឹង​ល្អ នៅពេលចូលរួម​ការ​ថ្វាយ​បង្គំ និងនៅពេល​អធិស្ឋាន គឺ​​កំណត់រង្វង់ខ្លឹមស្ថានសួគ៌​របស់​យើង។ ដូច្នេះ ព្រះ​​នឹង​ប្រទាន​ព្រះពរ និង​រង្វាន់​ដល់​មនុស្ស​ម្នាក់ៗ ​តាមការទាំង​នោះ។

«មើល អញមកជាឆាប់ ទាំងនាំយករង្វាន់មកជាមួយ ដើម្បីនឹងចែកឱ្យគ្រប់គ្នា តាមការដែលខ្លួនបានធ្វើ» វិវរណៈ ២២:១២

«អ្នកណាដែលព្រោះខាងឯសាច់ឈាមរបស់ខ្លួន នឹងច្រូតបានសេចក្ដីពុក‌រលួយពីសាច់ឈាមនោះឯង តែអ្នកណាដែលព្រោះខាងឯព្រះ‌វិញ្ញាណ នោះនឹងច្រូតបានជីវិតអស់‌កល្បជានិច្ច ពីព្រះ‌វិញ្ញាណវិញ កុំឱ្យយើងណាយចិត្តនឹងធ្វើការល្អឡើយ ដ្បិតបើមិនរសាយចិត្តទេ នោះដល់កំណត់ យើងនឹងច្រូតបានហើយ» កាឡាទី ៦:៨-៩