Ka Jingshisha, Kata ka Jong U Blei

Ka Balang Kaba U Blei u la Seng, Ka Don ka Lad ban Pyniapher ia ka Jingshisha bad ka Jinglamler

Ka balang kaba U Blei hi u la seng da ka snam jong U hi (ka snam bakordor jong ka jingshisha jong Ka Niam ka Jinglait ka jutang bathymmai), ka balang kaba rakhe khuid ia ka sngi bahynñiew, ka sngi Sabbaton (Sngi Saitjaiñ) kumba la rakhe U Jisu bad ki synran jong U, bad ka balang kaba pynbaptis ia ki briew ha ka kyrteng ka jong U Kpa, ka jong U Khun, bad ka jong U Mynsiem Bakhuid na ka bynta ka jingmap ki pop ka dei ka Balang U Blei ha kaba U Blei u long ryngkat bad ngi, bad U ai ia ngi ka jingpynim kumba la phla ka Baibl.

Tang Ynda Ngi Tip ia U Mynsiem bad Ka Nongleit Kurim, U Kpa bad Ka Kmie, Ngi Lah ban Long ki Khun ka Bneng

Ki briew kiban ioh laitim ki don ka jutang bathymmai kum ka sngi Sabbaton bad Ka Niam ka Jinglait U Blei ha la ka dohnud. Kin ithuh bad kin pdiang ia U Khrist Ahnsahnghong bad Ka Blei Ka Kmie, kiba long U Mynsiem bad Ka Nongleit kurim, bad kin leh ia ka mishon jong ki kum ki khun ka bneng, kata ka long ban hikai ia ka pyrthei ia kaba lait bad kaba dei.

U Paul, ia uba la khot u apostol U Jisu Khrist da ka mon U Blei, lem bad U Sosthenis u para bangeit; Sha ka balang U Blei kaba ha Korinth . . .
1 Sha Ki Nong Korinth 1:1–2

. . . ong U Trai . . . “Namarkata u paidlang jong nga un tip ia ka kyrteng jong nga: namarkata ha kata ka sngi kin tip ba nga long uta uba kren: ha khmih, long ma nga.”
U Isaiah 52:5–6