ຄວາມຈິງ ທີ່ເປັນຂອງພະເຈົ້າ

[ຄິດສະຕະຈັກທີ່ຖືກສ້າງຂຶ້ນໂດຍພະເຈົ້າ, ມີວິທີຈໍາແນກຄວາມຈິງອອກຈາກຄວາມເທັດ]

ຄິດສະຕະຈັກທີ່ພະເຈົ້າເອງໄດ້ຊົງສ້າງຂຶ້ນ ດ້ວຍພະໂລຫິດຂອງພະອົງ (ພະໂລຫິດອັນລໍ້າຄ່າ ຂອງຄໍາຈິງແຫ່ງປັດສະຄາຄໍາໝັ້ນສັນຍາໃໝ່), ຄິດສະຕະຈັກທີ່ປະຕິບັດຕາມມື້ທີເຈັດ ມື້ພະ (ວັນເສົາ) ທີ່ສັກສິດເໝືອນດັ່ງ ພະເຢຊູ ແລະ ບັນດາສາວົກຂອງພະອົງ ແລະ ຄິດສະຕະຈັກທີ່ໃຫ້ບັບຕິດສະມາແກ່ຜູ້ຄົນ ໃນພະນາມຂອງພະບິດາ, ພະບຸດ ແລະ ພະວິນຍານບໍລິສຸດ ເພື່ອໃຫ້ອະໄພການບບາບ ແມ່ນຄິດສະຕະຈັກຂອງພະເຈົ້າ ບ່ອນທີ່ພະເຈົ້າຊົງສະຖິດຢູ່ກັບພວກເຮົາ ແລະ ຊົງໃຫ້ຄວາມພົ້ນແກ່ພວກເຮົາ ດັ່ງທີ່ພະຄໍາພີເປັນພິຍານ.

[ພຽງແຕ່ເມື່ອພວກເຮົາຮູ້ຈັກພະວິນຍານ ແລະ ເຈົ້າສາວຄື ພະບິດາ ແລະ ພະມານດາ ພວກເຮົາຈຶ່ງສາມາດກາຍເປັນບັນດາລູກແຫ່ງສະຫວັນໄດ້]

ບັນດາຜູ້ທີ່ຈະໄດ້ຮັບຄວາມພົ້ນ ມີຄໍາໝັ້ນສັນຍາໃໝ່ເຊັ່ນ: ມື້ພະ ແລະ ປັດສະຄາຂອງພະເຈົ້າຢູ່ໃນຈິດໃຈຂອງ ພວກເຂົາ. ພວກເຂົາຈະຮູ້ຈັກ ແລະ ຍອມຮັບພະອັນຊັງໂຮງ ແລະ ພະເຈົ້າພະມານດາ ຜູ້ຊົງເປັນ ພະວິນຍານ ແລະ ເຈົ້າສາວ ແລະ ດໍາເນີນພາລະກິດຂອງພວກເຂົາ ໃນຖານະລູກແຫ່ງສະຫວັນ ນັ້ນແມ່ນ ເພື່ອສັງສອນໂລກວ່າ ສິ່ງໃດຜິດ ແລະ ສິ່ງໃດຖືກຕ້ອງ.

ຈາກໂປນຜູ້ທີ່ພະເຈົ້າໄດ້ເອີ້ນເອົາຕາມພະປະສົງ ໃຫ້ເປັນອັກຄະທູດຂອງພະເຢຊູຄິດ ແລະ ຈາກໂຊຊະເຖນນ້ອງຊາຍຂອງໝູ່ເຮົາ. ເຖິງຄິດສະຕະຈັກຂອງພະເຈົ້າ ເຊິ່ງຢູ່ໃນເມືອງໂກລິນໂທ...
[1 ໂກລິນໂທ 1:1–2]

... ເມື່ອເວລານັ້ນມາເຖິງ ພວກເຈົ້າຈະຮັບຮູ້ວ່າ ເຮົາແມ່ນພະເຈົ້າ (ເມື່ອເວລານັ້ນມາເຖິງ ພວກເຈົ້າຈະຮູ້ຈັກຊື່ຂອງເຮົາ TH1971) ແລະ ແມ່ນເຮົາທີ່ໄດ້ກ່າວແກ່ພວກເຈົ້າ.”
[ເອຊາຢາ 52:5-6]