Kaitor Tamni Bagwi Swmai Kwtalni Kerongno Songcha Kha
tei Abono Bororokno Tẃi Di Hwnwi Sa Kha?
Tini phano se, Kaitor swmai kwtalno romdi Sabat sal tei
Yókma Terno tẃi di hwnwi dagiwi tongo,
Aro-o Kaitor Adam bai Ebino Eden Tháiblwngo bórokno hamari rwnani bagwi
“Kaham hamya si rwnai buphangni bwtháino ta chá di”
hwnwi dagi ma hai kheno Bini bisingni muchungmung tongo.
Abo bororokno swmai kwtalni bising tẃi khe
páithago hamarirok rwnani bagwi se tongo.
Kaitorni Motha Swngcharo Sinijak Kha
Kaitorni Kókno Samungo Phnangmani Bagwi
Tumung chwng chini sakni rwngmung tei simungo
simi khá bera khe tei Kaitorni kókthái rokno khe tola-o tonniwi,
tong kutuk tei kwpal hamya chini aro páithago khe rwkthar anw.
Khristo Ahnsahnghong tei Ama Kaitor abono tẃiwi chwngno phrwng kha je chwng
Kaitorni kókno Daniel, Sadrak, Mesak, tei Abednego hai khe nangkukmani khe rom khe,
chwng swngcharno kwmam rwmani hamari tei chẃngsacha yachak mannai.
“Tini ang norokno bebak dagimano norok saktharwi
abórokno bebakno tẃiwi tong di,
hakhe Subraiyung Kaitor norokni chuchusongno
rwna hwnwi swmai tangmani a ha-o
habwi erwi bisi kwbángma tongwi mannai.
Uáinwi Sa Phima 8:1
“Tumungno norok Subraiyung norokni Kaitorni kók khna súk khe
tei ang tini norokno rwmani dagimarokno bebakno khir-khir khe tẃi khe,
Subraiyung norokni Kaitor norokno ha sakani
bebak dopharokni slái kuchugo tisanai.
Uáinwi Sa Phima 28:1
- আগের তারিখ
- 2023. 12. 29
- সহানুভূতি
- 1
