Ang Biblia usa ka libro sa propesiya

Naay ubang tawo na gina isip lang nila na ang Biblia kay usa lamang ka libro sa kasaysayan o mitolohiya sa Israel.

Apan, ang Biblia mao ang pinakadaan nga libro sa kalibutan,
nga gisulat sa lain-lain panahon og sa dose-dosenang mga tawo
na naa sa lain-lain nga propesyon ug edad sa kapin 1,600 na ka tuig.

Ang mas katingalahan pa kay ang tanang gisulat
sa kapin sa 1,600 ka tuig kay konektado sa
propesiya ug katumanan.

Taliwala sa mga rekord sa Biblia, atong tun-an
ang propesiya bahin kang Haring Ciro
ug ang katumanan niini.

Si Haring Ciro mao ang nagtukod sa Imperyo
sa Persia ug ang mananakop sa Sidlakan.

Atong tan-awon ang iyang dakong kalamposan nga na rekord sa Biblia.

“Mao kini ang giingon ni Ciro, hari sa Persia: “Ang GINOO, ang Dios sa langit, naghimo kanakong hari sa tibuok kalibotan ug gisugo ako niya pagtukod ug usa ka templo alang kaniya didto sa Jerusalem sa Juda.” ’ ” Ezr 1:2

Ngano nga si Ciro, ang hari sa Persia, nagdayeg sa Dios sa Israel ug gibuhian ang mga Israelita?
Nakita ni Haring Ciro ang iyang ngalan nga nakasulat sa basahon ni Isaias nga nahisulat mga 170 ka tuig sa wala pa niya buhii ang mga Israelita.

“Gipili ug gimandoan sa Ginoo si Ciro aron pagbuntog sa kanasoran, Mao kini ang iyang giingon kang Ciro:.. Ihatag ko kanimo ang mga bahanding gitagoan diha sa ngitngit, aron masayod ka nga ako, ang GINOO, ang Dios sa Israel, maoy nagtawag kanimo..’ ” Isa 45:1–3

Naamgohan ni Haring Ciro nga gitabangan siya sa Dios sa pagbuntog sa Babilonya, ug iyang giluwas
ang mga Israelita sumala sa gipropesiya sa Biblia. Ang maong resulta, si Haring Ciro gidayeg gihapon
sa mga tawo ingong usa ka karaang monarko nga nag luwas sa mga ulipon ug miila sa katungod
sa kagawasan sa relihiyon. Ang Biblia nag propepisiya usab sa pagkatawo ni Jesus isip usa ka
bata mga 700 ka tuig sa wala pa Siya mianhi sa kalibotan.

“. . . . ‘Ang usa ka batan-ong dalaga nga manamkon ug manganak ug usa ka batang lalaki ug nganlan siyag Immanuel.’ ” Isa 7:14

Sumala niini nga propesiya, ang Dios natawo isip si Jesus pinaagi sa lawas sa usa ka putli nga batan-ong babaye nga si Maria (Mt 1:18–23). Dugang pa niana, detalyado nga gipropesiya
sa Biblia kon sa unsang paagi mag-antos si Jesus.

“. . . Gitamay nato siya ug gisalikway, . . . Gani gisamaran siya tungod sa atong mga sala, napangos siya tungod sa atong pagkadaotan;giantos niya ang kastigo nga maoy nakaluwas kanato ug pinaagi sa iyang mga labod nangaayo kita.” Isa 53:3–5

Sumala niini nga propesiya, si Jesus gidunggab og bangkaw ug gilatigo (Mt 27:26–35; Jn 19:34). Bisan tuod ang mga propesiya sa Biblia wala masabti sa mga tawo sa dihang kini gisulat, kining tanan natuman.
Busa ang Biblia nagpasidaan kanato nga ayaw tamaya ang mga mensahe gikan sa Dios (1 Th 5:20). Kini tungod kay dili kita maluwas kon atong tamayon ang mga propesiya sa Biblia. Daghang mga propesiya ang natuman eksakto sa nga nahisulat,mao usab ang mga propesiya sa mga nahabilin matuman usab ang tanan sa walay pagkapakyas.

Mahitabo unya ang makalilisang nga mga linog, gutom ug kamatay sa lainlaing dapit ingon man ang makahahadlok nga mga butang ug mga dagkong ilhanan gikan sa langit. Lk 21:11

Ang Biblia nagsulti kanato nga kita kinahanglang mo dagan ngadto sa Sion aron maluwas inig-abot sa kataposang dakong katalagman ug kalaglagan.

Giyahi sila paingon sa Sion. Palikaya sila sa walay langan kay nagpadala ang GINOO ug dakong katalagman gikan sa amihanan. Jer 4:5–6

Ang Sion, diin ginasaulog ang mga kasaulogan sa Dios, maoy usa ka dapit nga dalangpanan ug kaluwasan nga gisaad sa Dios kanato (Isa 33:20). Sa kalibotan, ang World Mission Society Church of God mao lamang ang simbahan nga nagsaulog sa mga kasaulogan sa Dios sumala sa pagtulon-an sa Biblia; kini mao ang Sion.