Oĩ ohecháva Tupã Ñe’ẽ Israel rembiasakue térã mitología añónte. Péro Tupã Ñe’ẽ haʼe pe lívro itujavéva ko múndope, ohaivaʼekue diferénte épokape hetaiterei persóna, 1.600 áño pukukue. Pe ñanesorprendevéva ha’e opa mba’e ojehaíva 1.600 áño pukukue ojoajuha profecía ha cumplimiento ramo. Tupã Ñe’ẽme oĩva apytépe, jastudia pe profesía rréi Cirore ha oñekumpli hague. Rréi Ciro ha’e pe omoñepyrũva’ekue Império Persia ha ipu’aka Oriente rehe. Jahecháke ijapopyre guasu ojeskrivíva Tupã Ñe’ẽme.
Péicha he’i Círo, Pérsia retã ruvicha: Ñanderuete toĩ hendive ha tojupi Jerusalénpe, opytáva Juda retãme, ha tomopu’ã Ñanderuete, Israel Jára rogaguasurã, Ha’e ningo pe Jára oikóva Jerusalénpe. (Esd 1:2–3)
¿Mbaʼérepa Ciro, pe rréi de Persia, omombaʼeguasu Israel Járape ha omosãso umi isrraelítape? Rréi Ciro ohecha héra ojehaiha pe lívro de Isaíaspe, ojehaivaʼekue 170 áñorupi omosãso mboyve umi israelítape.
Péicha Ñanderuete he’i Círo, hembiporavo rehe: Che rojapyhy nde po akatúagui, nde rembopoguy hag̃ua opaite tetãnguéra oñemoĩvape nderehe [...] ha Che ame’ẽta ndéve imba’erepyeta, ñemiháme oñeñongatu porãva, reikuaa porã hag̃ua Che ha’eha pende Ruete, Israel Jára, rohenói hague nde réra rupi. (Is 45:1–3)
Rréi Ciro ohechakuaa Ñandejára oipytyvõ hague chupe ipuʼaka hag̃ua Babilóniare, ha omosãso umi isrraelítape Tupã Ñe’ẽ he’iháicha. Upéicha rupi, umi hénte omombaʼeguasu gueteri rréi Ciro haʼeha peteĩ rréi yma guare omosãsóva umi tembiguáipe ha orrekonose pe derécho orekoha liverta rrelihiónpe. Tupã Ñe’ẽ omombe’u avei Jesús heñoitaha 700 áño mboyve ha’e ou mboyve ko yvy ape ári.
[...] Péina ápe pe kuñataĩ oiko’ỹva kuimba’e ndive hyeguasúta, ha imembýta peteĩ mitãkuimba’e, ha oñembohérata ichupe Emanuel. (Is 7:14)
Ko profesía heʼiháicha, Ñandejára onase Jesúsicha pe vírgen María rete rupive. Hiʼarive Tupã Ñe’ẽ opredese detálle mbaʼéichapa Jesús ohasa asýta. (Mt 1:18–23)
[...] Hiʼarive Tupã Ñe’ẽ opredese detálle mbaʼéichapa Jesús ohasa asýta. [...] Ojekutu ichupe ñane rembiapo vai rupi ha oñenupã vaipa ichupe [...] Ñanderuete ohavira ichupe ñande jahupity hag̃ua ipy’aguapy, ijekutukue rupi ñande jakuera hag̃ua avei umi mba’e rupi. (Is 53:3–5)
Ko profesía he’iháicha, Jesúspe ojekutu peteĩ lánsape ha oñenupã vaipa. Umi profeciakuera oĩva Tupã Ñe’ẽme nontendéiramo jepe umi hénte ojeskrivírõ guare, oñekumplipaite. Upévare Tupã Ñe’ẽ ñaneavisa ani hag̃ua jadespresia umi profeciakuera. Ha’e ndaikatúigui jajesalva ñadespresiáramo umi profeciakuera oĩva Tupã Ñe’ẽme. Heta profeciakuera oñekumpli haguéicha exactamente ojehai haguéicha, upéicha avei umi profeciakuera opytáva oñekumplíta opa mbaʼe ndofaltaʼỹre. (Mt 27:26–35, Jn 19:34, 1 Ts 5:20)
Oikova’erã yvy ryryiguasuete ha heta tetãme oĩta ñembyahýi ha mba’asy vai oñemyasãitava ohóvo. Oĩta ñemondyiguasu, ha techaukahaguasu ojehechaukáta ára yvate rehe. (Lc 21:11)
Tupã Ñe’ẽ he’i ñandéve jadispara va’erãha Siónpe jajesalva hag̃ua, og̃uahẽ vove pe último Tejuipave ha ñehundi.
Peñembyaty [...] Pehupi yvate pende poyviveve Siónpe, peñani ha ani pepyta pytátei. Cháke, nórteguio Che amboúta mba’evai ha jepy’apy ndetuichaitéva. (Jer 4:5–6)
Sión, ojegueromandu’ahápe Ñandejára arete, ha’e peteĩ tenda refugio ha Pysyrõ Ñandejára oprometeva’ekue ñandéve. Iglesia de Dios Sociedad Misionera Mundial ha’e pe iglesia añoite ko múndope ogueromandu’áva Ñandejára aretekuéra, Tupã Ñe’ẽ mbo’epy he’iháicha; upéva ha’e Sión. (Is 33:20)
- 게시일
- May 6, 2026
