ຄວາມລັບຂອງງູທອງເຫລືອງ

ຫຼັງຈາກຕົກເປັນທາດໃນເອຢິບເປັນເວລາ 430 ປີ ຊາວອິດສະລາເອນ ໄດ້ຮັບການປົດປ່ອຍ ໂດຍລິດທະນຸພາບຂອງພະເຈົ້າ ແລະ ມຸ່ງໜ້າໄປສູ່ການາອານ. ຢ່າງໃດກໍຕາມ, ຊາວອິດສະລາເອນ ໄດ້ລືມພະຄຸນຂອງພະເຈົ້າ ຜູ້ຊົງປົດປ່ອຍພວກເຂົາໃຫ້ເປັນອິດສະຫຼະ.
“ເປັນຫຍັງທ່ານຈຶ່ງນໍາພາພວກເຮົາອອກຈາກເອຢິບມາໃນຖິ່ນແຫ້ງແລ້ງກັນດານເຊັ່ນນີ້?” ປະຊາຊົນຜູ້ທີ່ຈົ່ມໄດ້ຖືກງູພິດຕອດ ແລະ ເສຍຊີວິດ. (ຈຊບ 21:6)

“ແລ້ວພະຜູ້ເປັນເຈົ້າກໍໄດ້ບອກໂມເຊ ‘ໃຫ້ເຮັດງູເປັນໂລຫະຕອກຕິດໄວ້ກັບເສົາ ເພື່ອວ່າຜູ້ໃດຜູ້ໜຶ່ງທີ່ຖືກງູຕອດ ເມື່ອແນມເບິ່ງງູນັ້ນແລ້ວ ກໍໄດ້ຮັບການປິ່ນປົວໃຫ້ຫາຍດີ’” ຈຊບ 21:8

ຖ້າຢ່າງນັ້ນ, ແມ່ນງູທອງສໍາລິດບໍ ທີ່ຊ່ວຍພວກເຂົາໃຫ້ພົ້ນ?
ບໍ່ແມ່ນ. ພະເຈົ້າໄດ້ຊົງຊ່ວຍພວກເຂົາໃຫ້ພົ້ນ ດ້ວຍພະຄຳຂອງພະອົງທີ່ວ່າ “ຜູ້ໃດຜູ້ໜຶ່ງທີ່ຖືກງູຕອດເມື່ອແນມເບິ່ງງູນັ້ນ ກໍໄດ້ຮັບການປິ່ນປົວໃຫ້ຫາຍດີ.” ແຕ່ຊາວອິດສະລາເອນໄດ້ນັບຖືງູທອງສໍາລິດ ມາເປັນເວລາຫຼາຍຮ້ອຍປີ ໂດຍຄິດວ່າ ມັນມີລິດອໍານາດອັນເລິກລັບ.

ເມື່ອກະສັດເຮເສກີຢາ ໄດ້ທັບຮູບງູທອງສໍາລິດນັ້ນ ພະເຈົ້າໄດ້ຍ້ອງຍໍເພິ່ນ ແລະ ເຮັດໃຫ້ທຸກໆສິ່ງທີ່ເພິ່ນເຮັດປະສົບຜົນສຳເລັດ. (2 ກສດ 18:3-7) ເປັນຫຍັງພະເຈົ້າຈຶ່ງຊົງຍ້ອງຍໍ ກະສັດເຮເສກີຢາ ທີ່ທັບງູທອງສໍາລິດ?
ເພາະວ່າ ຜູ້ທີ່ຂາບໄຫວ້ຮູບໂຄລົບຈະຕ້ອງຖືກທໍາລາຍ. ປະຫວັດສາດຂອງການຂາບໄຫວ້ງູທອງສໍາລິດນັ້ນ ເປັນຄໍາທໍານວາຍວ່າ ຄິດສະຕະຈັກຕ່າງໆຈະຕັ້ງໄມ້ກາງແຂນຂຶ້ນ ແລະ ຖືກທໍາລາຍ.

“ໂມເຊໄດ້ຍົກງູຂຶ້ນໃນຖິ່ນແຫ້ງແລ້ງກັນດານສັນໃດ ບຸດມະນຸດກໍຕ້ອງໄດ້ຮັບການຍົກຂຶ້ນສັນນັ້ນ...” ຢຮ 3:14-15

ບໍ່ແມ່ນໄມ້ກາງແຂນ ທີ່ຊ່ວຍພວກເຮົາໃຫ້ພົ້ນ, ແຕ່ແມ່ນພະເຢຊູ (1 ປຕ 1:18-19).
ແຕ່ໃນທຸກມື້ນີ້, ຄິດສະຕະຈັກຕ່າງໆໄດ້ນັບຖືໄມ້ກາງແຂນ, ເຊັ່ນດຽວກັບທີ່ຊາວອິດສະລາເອນ ໄດ້ນັບຖືງູທອງສໍາລິດ. ໄມ້ກາງແຂນເປັນພຽງແຕ່ໄມ້ທ່ອນໜຶ່ງເທົ່ານັ້ນ ເຊັ່ນດຽວກັບງູທອງສຳລິດ ທີ່ເປັນພຽງແຕ່ກ້ອນທອງສຳລິດເທົ່ານັ້ນ (ກຈ 5:30).
ຄິດສະຕະຈັກ ທີ່ຕັ້ງໄມ້ກາງແຂນຂຶ້ນຈະຖືກທໍາລາຍ (ພບຍ 27:15).

“ປະຊາຊົນຂອງເຮົາເອີຍ ຈົ່ງອອກມາເທາະ! ຈົ່ງອອກມາຈາກມະຫານະຄອນນີ້! ຢ່າມີສ່ວນໃນການບາບຂອງກຸງນັ້ນເລີຍ; ໝູ່ເຈົ້າຢ່າຮ່ວມຮັບໄພພິບັດກັບກຸງນີ້!” ພນ 18:4

ໂດຍປະຕິບັດຕາມຄໍາສັ່ງສອນຂອງພະຄິດ ພະອັນຊັງໂຮງ ຜູ້ຊົງສະເດັດມາເທື່ອທີສອງ, ຄິດສະຕະຈັກຂອງພະເຈົ້າ ເຮັດໃຫ້ປະຊາຊົນທຸກຄົນຮູ້ວ່າ ເຫດການງູທອງສໍາລິດ ເປັນຄໍາທໍານວາຍ ຂອງການນັບຖືໄມ້ກາງແຂນ.
ກະລຸນາເຂົ້າມາໃນ ຄິດສະຕະຈັກຂອງພະເຈົ້າ ເຊິ່ງແມ່ນສີໂອນ ບ່ອນທີ່ ພະເຈົ້າພະມານດາ ພະຜູ້ຊ່ວຍໃຫ້ພົ້ນໃນສະໄໝພະວິນຍານບໍລິສຸດ ຊົງສະຖິດຢູ່ ແລະ ທ່ານຈະພົ້ນຈາກໄພພິບັດຄັ້ງສຸດທ້າຍ ແລະ ໄດ້ຮັບຄວາມພົ້ນ.