Hunahunaa ang Kamatuoran nga Nakat-onan sa Atong Katigulangan

Ang Panalangin ug Kamahinungdanon sa Pagsaylo nga Nakat-onan sa Atong mga Katigulangan sa Pagtuo ug sa Ilang Amahan sa Panahon sa Ilang Kinabuhi

Gipagawas sa Dios si Moises ug ang mga Israelita gikan sa Ehipto pinaagi sa gahum sa Pagsaylo. Ang mga Israelinhon wala magsaulog sa pagsaylo sulod sa 38 ka tuig, apan ilang gisaulog ang Pagsaylo sa wala pa sila mosulod sa yuta sa Canaan. Pinaagi sa Pagsaylo sa bag-ong kasabotan, si Jesus Mismo mianhi ug naghatag ug kinabuhing walay kataposan sa katawhan. Pinaagi niining mga butanga, atong makita nga ang Pagsaylo maoy usa ka importanteng sugo nga kinahanglang makat-onan sa tanang katawhan gikan sa ilang mga amahan.

Ang Pagsaylo mao ang Kasaulogan nga Naghimo Kanato nga mga Anak sa Gingharian sa Langit nga Nagtawag sa Dios nga “Amahan ug Inahan”

Karon, si Kristo Ahnsahnghong mitudlo na usab kanato sa Pagsaylo sa bag-ong kasabotan, nga wala gisaulog sulod sa 1,600 ka tuig, ug ubos sa paggiya sa Diyos Inahan, ang mga miyembro sa Church of God sa tibuok kalibotan nagbalaan niini. Kini tungod kay ang talagsaong panalangin nga mahimong mga anak sa Diyos anaa sa Pagsaylo.

Apan dangop ug pangaliyupo sa Dios nga Labing Gamhanan; kay kon tinuod nga putli ka ug matarong, tabangan ka gayod sa Dios ug ibalik kanimo ang imong panimalay ingon nga imong ganti. Walay bili ang bahandi nga nawala kanimo kon itandi sa ihatag sa Dios kanimo. Palandonga sa makadiyot ang kaalam sa mga karaan; ug hunahunaa ang mga kamatuoran nga nakat-onan sa atong katigulangan.
Job 8:5–8

Ang mga tinun-an miadto kang Jesus ug nangutana kaniya, “Asa man nimo gustong ipaandam kanamo ang panihapon sa Kasaulogan sa Pagsaylo?”… mikuha si Jesus sa pan,... “Dawata ninyo kini ug kan-a. Kini mao ang akong lawas.”… “Inom kamong tanan niini,” siya miingon; “kini mao ang akong dugo nga naglig-on sa kasabotan, ang akong dugo nga gipaagas alang sa daghan aron sa pagpasaylo sa mga sala.”
Mateo 26:17–28