Bórok Bórokni Chuchusongrokni Tamono Srwng Kha Naiwi Nai Di

Chini Poitoni Chuchu Song tei Bόrokni Bupha Song, Bόrokni Langma-o Swrwng Langmani Yόkma Terni Hamari tei Nangkhuk Mani

Yόkma Terni phan bai khe Kaitor Musi tei Isralsarokno Ijipni phiyόk kha. Israilsarok bisi 38 romwi Yόkma Ter tẃi lai liya, phiya ba katswi Kanan ha-o hapnani swkangdrobo bόrok Yόkma Ter tẃi lai kha. Swmai kwtalni Yόkma Terni bising tẃi, Yόkma Ter wng kha joto bororokno bόrokni bupha songni aroni swrwngnani nangmani kaisa nangkhuk mani dagimung.

Yόkma Ter Wng Kha Kaisa Ter, Abo Chwngno, Kaitorno “Apha tei Ama,” Hwnwi Ringnai Chuknohani Bwsa Swnammo

Tini, bisi 1,260 romwi tẃijak ya tongmani, swmai kwtalni Yόkma Terno Khristo Ahnsahnghong chwngno haino hai phrwng phai phi kha, tei Ama Kaitorni tẃithermung bai, swngchar gwnangwini Kaitorni Mothani adongrok omo kwthar khe tẃi laiwi tongo. Tamni hwn khe Yόkma Tero Kaitorni bwsa wngnani bagwi kwmamsingcha hamari tongo.

Tumung nwng Kaitorno naituk khe tei kwplaisano koi khe, tumung nwng kubui kwthar khe tong khe, kubui’-no bo nini bagwi bachaui nono nini sói manthaino rw kha mun. Nini chengdrobo tortha ya phano ulni salrogo belai kotor wngnai. “Nini chuchusongno sẃngwi nai di, tei bórok bórokni chuchusongrokni tamono srwng kha naiwi nai di.
Job 8:5-8

[S]agrirok Jisuni thani phaiwi hai hwnwi sẃng phai kha, “Chwngno buro nini bagwi Yókma terni panda khlai di hwn sla?” . . . Jisu ruti naui . . .  “Hi’n, na di, omono chá di. Omo ani bahan,” . . . “Norok bebak’-no omono nung di. Omo wng kha aswk bororokni sumsok nakarna bagwi kochok rwmani ani thẃi, Kaitor ani o thẃi bai swmai tang kha.
Mathai 26:17-28