To Khmih Thuh ia Kata Kaba Ki Kpa Jong Ki Ki La Shem

Ka Jingkyrkhu bad ka Jingkongsan jong Ka Niam ka Jinglait Kaba Ki Kpa Tymmen ka Jingngeit jong Ngi bad Ki Kpa jong Ki Ki La Shem ha ka Jingim jong Ki

U Blei u la pyllait ia U Moses bad ia ki khun Israel na Ijipt da ka bor jong ka Jinglait. Ki khun Israel kim shym la buh ia Ka Niam ka Jinglait jin 38 snem, hynrei ki la rakhe ia Ka Niam ka Jinglait ha shuwa ban leit rung sha ka ri Kanaan. Lyngba Ka Jinglait jong ka jutang thymmai, U Jisu da lade hi u la wan bad ai ka jingim bymjukut sha u bynriew. Lyngba kine, ngi lah ban iohi ba Ka Niam ka Jinglait ka long ka hukum bakongsan kaba ki briew baroh ki dei ban shem na ki kpa jong ki.

Ka Niam ka Jinglait ka dei ka Jingkhawai Niam kaba Pynlong ia Ngi ki Khun jong ka Hima ki Bneng Kiba Khot ia U Blei “Ko Pa bad Ko Mei”

Mynta, U Khrist Ahnsahnghong u la hikai pat ia ngi ia Ka Niam ka Jinglait jong ka jutang thymmai, kabym shym la rakhe jin 1,260 snem, bad hapoh ka jingialam jong Ka Blei Ka Kmie, ki dkhot jong ka Balang U Blei kylleng ka pyrthei ki rakhe khuid ia ka. Ka dei namar ka jingkyrkhu baphylla ban long ki khun U Blei ka kynthup ha Ka Niam ka Jinglait.

“lada me men wad minot ia U Blei, bad kyrpad ia U Badonbor baroh; lada men long uba khuid bad uba beit; shisha shisha un da peit na ka bynta jong me, bad pynroi ia ka jaka shong ka hok jong me. La ka jingsdang jong me ruh ka la long kaba rit, pynban kaba kut jong me kan da la man khraw shikaddei. Naba to wad, nga kyrpad ia me, na kata ka pateng bynriew kaba mynshuwa, bad to khmih thuh ia kata kaba ki kpa jong ki ki la shem:”
U Job 8:5–8

ki synran ki la wan ha U Jisu, ki da ong, “Me mon hangno ba ngin iakhreh ia me ban bam ia ka niam ka jinglait?” . . . U Jisu u la shim ia u kpu . . . “To shim, to bam, une u long ka met jong nga.” . . . “To dih na kane phi baroh; naba kane ka long ka snam jong nga, kaba ka jong ka jutang bathymmai, ia kaba yn sa pynmih noh na ka bynta kiba bun, ia kaban map ki pop.”
Mathaios 26:17–28