Ang Hinungdan sa Pag-anhi sa Dios Niining Kalibotan Mao ang Pagpangita sa Iyang Hinigugma nga mga Anak
Ang katawhan gilimbongan ni Satanas didto sa langitnong gingharian ug, human nila gibudhian ang Dios, gitambog sila nganhi sa kalibotan tungod sa maong sala. Aron pangitaon ang mga anak nga nawala gikan sa langit, hatagan sila og kapasayloan sa mga sala, ug dad-on sila balik sa gingharian sa langit, si Jesus mianhi 2,000 ka tuig na ang milabay, ug si Cristo Ahnsahnghong ug ang Dios Inahan mianhi niining panahona.
Ang mga Miyembro sa Church of God Naglakaw sa Dalan sa Dios Uban ang Kalipay
Pinaagi sa mga sambingay sa mga talento ug mga mina, detalyado nga gitudlo ni Jesus kon unsaon sa mga anak nga nakasabot sa gugma sa Dios pagdala og kalipay kang Dios. Sama nga ang Dios walay hunong nga nagsangyaw aron pangitaon ang mga anak nga nawala gikan sa langit, kita usab kinahanglang mangita sa atong nawala nga mga igsoon — kini ang labing bililhon nga gasa nga atong ikahalad kang Dios.
Kaadlawon pa gani, mibangon na si Jesus ug migawas sa balay. Miadto siya sa usa ka dapit nga mingaw ug nag-ampo didto. Apan mitubag si Jesus, “Mangadto kita sa silingang mga lungsod. Kinahanglan sangyawan ko usab sila. Mianhi ako alang niining maong katuyoan.” Mark 1:35, 38
- Post Date
- Nob 8, 2026
- Emotion
- 0
