U Blei U Khmih ia Ngi Da u Sawar

Ka Jingtynjuh Kaba Wan Halor Jong Ngi ha ka Rukom jong ka Jingthew U Blei ia ka Jingngeit jong Ngi Da u Sawar ka Dei ka Jingsdang Jong ki Jingkyrkhu U Blei

Kumba la buh ia ka sawar ban khmih la ka їing la tei bha ne em, U Blei u ai ia ki khun jong U ki jingtynjuh ban khmih la ki tei ia ka їing ka jingngeit jong ki ha kaba dei kumba U Blei u la leh ia U Job, U Shadrak, U Meshak, bad U Abednego. La kumta ruh, ki jingkyrkhu jong U barabor ki bud ha kaba kut.

Ki Dkhot ka Balang U Blei ki Iaid Shaphrang, da Kaba Pyrkhat Tang ia ka Hima ki Bneng bad ia U Blei ha Kaei Kaei Baroh

U Khrist Ahnsahnghong bad Ka Blei Ka Kmie ki la hikai ia ki dkhot kiba tei ia ka їing ka jingngeit jong ki ha kine ki sngi ba haba U Blei u tynjuh ia ka pyrthei baroh kawei, un їit thuh ia ki ktien, ki jingleh, bad ka dohnud jong uwei pa uwei baroh bad nangta un wallam ka jingsniew halor kita kiba khlem jingngeit, kiba khnium bad kiba mudui. Ki la hikai ruh ia ki dkhot ban pyrkhat ha la ka sngi ia ka Bneng bad tang ia U Blei kampher ha kano kano ka jinglong.

Kumne u la pyni ha nga: te, ha khmih, U Trai u la ieng hajan ka kynroh ba la tei da ka sawar, bad ka sawar ha ka kti jong u . . . Ynda kumta U Trai u la ong, “Ha khmih, ngan buh ia ka sawar hapdeng ki Israel u paidbah jong nga; ngan ym iaid kiar ia ki shuh:”
U Amos 7:7–8

“Bad ngan pyniap noh ia ki khun jong ka da ka jingiap; te kita ki balang baroh kin iatip ba long ma nga uta uba їit thuh ia ki khyllai bad ia ki dohnud: te ngan ai ha phi uwei pa uwei baroh katba kum ki jingleh jong phi.”
Ka Jingpynpaw 2:23