Kaitor Kaisa Sumani Buduk Bai Chwngno Amjogo

Kaisa Sumani Buduk Bai Chini Poitono Kaitor Sumani Samungo Kaisa Tekto
Chini Saka’-o Phaimani Wng Kha Kaitorni Hamarirokni Yaphang Se

Katswi kaisa sumani buduk wng kha dolan khungsa tangjakmani kaham da eba
hamya naina bagwi se, Kaitor Bini bwsarokno tekto rwmani wng kha tumung
bórok bórokni poitoni nokno kaham khe da tang naina se katswi Kaitor Job,
Sadrak, Mesak, tei Abednago’-no naima hai. Haiphano, páithago khe
Bini hamarirok rwktharwi máng tongo.

Kaitorni Mothani Adongrok, Kaitorni Hano tei Bebago Kaitorno Simi Uansugui Bwskang Agogo

Kaitor swngchar gwnangwi amjok phuru khe, Bó bebak borokni kókrokno,
samungrokno, tei bwkharok amjoknai tei hakhe poito kwrwi hunu-hanai sanai
tei kókbángnairokni saka’-o birman tubunai hwnwi tini adongrok bórokni
poitoni nokrokno tangwi tongnairokno Khristo Ahnsahnghong bai Ama Kaitor phrwng kha.
Adongrok Chuknohano máng uansuk di tei bebak jora’-o
Kaitorno simi uansuk di hwnwibo Bórok phrwng kha.

Bo ano tei kaisa phunuk kha: Nai di ang Subraiyungno buduk bai su-ui snamjak nokni chokdeual gana-o bachajak tei sumani budukno yago tẃijak khe nuk kha. . . . Hakhe Subraiyung hai hwnwi sa kha, “Nai di ang ani borok Israilrokni bagwi o suma budukno phnangnai; ang bórokno tei sátok yaui yakarwi rw glak.”
Amos 7:7-8

“Ang bini bororoknobo butharnai, hai khe se bororok uansukmarok bai muchungmarokno ang saui mano hwnwi bebak motha saui man anw. Ang norokno jotono’-no norok khlai tẃi’-no yagul su anw.”
Phunukjakmani 2:23