Oheli

Oheli oyo ehala etilithi unene moka hashi kala oshidhigu okumona nando eta limwe lyomeya omanga u li muuwehame womulilo. (Lukas 16:24) Jesus okwa ti oshikaha, ompadhi, nenge eho lyetu ngele tali tu hongolola, oshe tu opalela oku shi teta ko nenge oku li tsipula mo shi vulithe okuya koheli. (Markus 9:43) Omolwaashoka uuwehame womoheli itau vulu okuyelekwa nuuwehame wokuteta ko oshitopolwa sholutu lwetu.

“Moka omazinyo taga li onyama yawo go itaga si, nomu na omulilo ihaagu dhimi po.” (Markus 9:48)

“Omuntu kehe oku na okuyelithwa nomulilo.” (Markus 9:49)

Nonando uuwehame woheli ohau luluma unene, itatu vulu okusa kutse yene. Moheli kamu na nando okathimbo kenyanyu lyomwenyo, ompito yevululuko, nokamu na etegameno lyehupitho, ihe omu na owala uuwehame, uusama, noluhodhi olwindji. Omolwashike hatu yi koheli ngele inatu itedhulula konima tu uvu evaangeli?

Manga inaatu valelwa kevi ndika, otwa li aayengeli megulu. (Job 38:4~21) Ihe, otwa longo uulunde megulu e tatu taamba etokolo lyokuya koheli. Onkee otwa valelwa kombanda yevi, ondholongo yopambepo, nohatu kala muka okathimbo kowala. (Hesekiel 28:13~17) Ngele itatu kongo omukalo gwokuyanda egeelo lyoheli kevi ndika, ethikilo lyetu otali kala oheli.

“Ongame omuntu omukweyi! Olye ta mangulula ndje molutu nduka talu etele ndje eso?” (Aaroma 7:24)

Kalunga okwa sile aantu mboka yu uthilwa okutaamba egeelo lyoheli ohenda, nOkwe ya kevi ndika opo e tu ulukile ondjila yokuyanda oheli.

“Oshoka ngame (onde) . . . ya okwiithana . . . aalunde . . . yi itedhulule.” (Lukas 5:32)

Opo a dhime po oondjo dhetu ndhoka tadhi fala keso e te tu hupitha megeelo lyoheli, Kalunga okwa gandja onyama nombinzi Ye onga ofuto yaantu, aalunde.

“Taambeni, lyeni, shika osho olutu lwandje.” (Mateus 26:26)

“ ‘Shika osho ombinzi yandje, ombinzi yehangano, tayi tilwahi omolwoyendji oyokudhima po oondjo.’ ” (Mateus 26:28)

Uuna tatu dhana Opaasa yehangano epe, ohatu yambekwa nedhimo po lyoondjo nohatu hupithwa megeelo lyoheli. Ohatu taamba wo omwenyo gwaaluhe e tatu shuna megulu.

“ ‘Ngoka ta li onyama yandje nota nu ombinzi yandje, oye oku na omwenyo gwaaluhe, nangame otandi ke mu yumudha mesiku lyahugunina.’ ” (Johannes 6:54)

Ihe, ngele otwa tindi etumwalaka, “Taamba edhimo po lyoondjo nomwenyo gwaaluhe okupitila mOpaasa,” oondjo ndhoka twa longele megulu itadhi vulu okudhimwa po, notatu ka taamba egeelo lyoheli ngaashi sha uthwa.

“Onda yuulukwa vale okulya Opaasa ndjika pamwe nane, manga inaandi hepekwa.” (Lukas 22:15)

Alikana dhana Opaasa yehangano epe, endhindhiliko lyaKalunga lyedhimo po lyoondjo, e to shuna megulu!