ନାରାକ୍ ସାର୍ତିଗେ ମିୟାଁଦ୍ ମାରାଙ୍ଗ୍ ବରୱାନ୍ ଟାୟାଦ୍ ତାନାଃ ଅକନ୍ତାଃରେ କାଲ୍ପାଃଅତେ ମିଦ୍ ଟିପାଃ ଦାଃଅ ନାମଃୱାଁ। (ଲୁକା 16:24)
ୟୀଶୁ ଆବୁୱାଃ ତିଃଈ ଚାଏ କାଟାଏ ପାପ୍ ରିକାବୁରେଦ, ତପାଙ୍ଗ୍ ଏଣ୍ଡାଃଏପେ ଚିୟାଃଚି ଏନା ତପାଙ୍ଗେଦୋ, ନାରାକ୍ ସେନଃଏତେ ବୁଗିନାଏ ମେନେତାନା। (ମାର୍କୁସ୍ 9:43)
ନେୟାଁ ଏନାମେନ୍ତେ ଚିୟାଃଚି ନାରାକ୍ ରେୟାଃ କାଲ୍କାଅ ହଡ଼୍ମ ରେୟାଃ ମିୟାଁଦ୍ ହାନାଟିଙ୍ଗ୍ ତପାଙ୍ଗ୍ ରେୟାଃ ହାସୁଲଃ କା ଜକା ଧାଳିୟଃୱା।
ଏନ୍ତାରେ ଇନ୍କୁୱାଃ ତିଜୁ କାଏ ଗଜଃୱା ଅଡ଼ଃ ସେଙ୍ଗେଲ୍ କା ଏଣେୟଃୱା। (ମାର୍କୁସ୍ 9:48)
ଚିୟାଃଚି ମିମିୟାଁଦ୍ ହଡ଼ଦ ସେଙ୍ଗେଲ୍ତେଏ ବୁଲିଙ୍ଗଃୱାଁ। (ମାର୍କୁସ୍ 9:49)
ହେଗେ ନାରାକ୍ ରେୟାଃ ସାଜାଇ ପୁରାଃଗେ ହାଏନା ହାଏନା, ମେନ୍ଦ ଆପାନ୍ ସାନାଙ୍ଗ୍ରେୟଗେ କାମ୍ ଗଜଃୱା।
ନାରାକ୍ ରେୟାଃ ଯୀଦାନ୍, ସୁକୁରେୟାଃ ନେଡା, ଚାଏ ଜିରାଅୱେନ୍ ରେୟାଃ ନେଡା କା ତାଇନା, ଅଡ଼ଃ ଦୁଗଃରେୟାଃ ଜେତାନ୍ ଆଶ୍ରା କା ତାଇନା, ମେନ୍ଦ ଏସ୍କାର୍ ଜାଦ୍କାତେ ହାସୁ, ଇୟାମ୍ ଆର୍ କାଲ୍ପାଅ ତାଇନା।
ତେର୍ ଆବୁ ସୁକୁକାଜି ଆୟୁମ୍କେତେରେୟଗେ କାବୁ ହିୟାତିଙ୍ଗେରେଦ, ନାରାକ୍ରେ ଚିନାଃମେନ୍ତେ ସେନ୍ଗେ ହବାଃଅୱା?
ଆବୁ ନେ ଅତେ ଦିଶୁମ୍ରେ ଉନ୍ଦୁବଃଏତେ ସିଦାରେ, ସିର୍ମାରେ ସିର୍ମା ଦାସିକବୁ ତାଇକେନା। (ଆୟୁବ୍ 38:21)
ମେନ୍ଦ, ସିର୍ମାରେ ଆବୁବୁ ପାପ୍କେଦା ଅଡ଼ଃ ଆବୁ ନାଗେନ୍ତେ ନାରାକ୍ରେ ସେନ୍ ରେୟାଃ ସାଜାଇ ଉଦୁବେୟାଁନା। ଏନାମେନ୍ତେ ଆବୁ ନେ ଅତେ ଦିଶୁମ୍, ମିୟାଁଦ୍ ଆତ୍ମାକରେୟାଃ ଜେଲ୍ରେବୁ ଉନ୍ଦୁବେୟାଁନା, ଅଡ଼ଃ ଆବୁ ନେତାଃରେ ହଡ଼୍ମ ଲେକାତେବୁ ତାଇନ୍ତାନା। (ୟାହିଜ୍କେଲ୍ 28:13-17)
ଏନାମେନ୍ତେ ଆବୁ ନେ ଅତେ ଦିଶୁମ୍ରେ ନାରାକ୍ ରେୟାଃ ସାଜାଇଏତେ ଦୁଗଃରେୟାଃ ହୋରା କାବୁ ଦାଣାଏରେଦ, ଆବୁ ନାରାକ୍ତେବୁ ସେନଃଗେୟା।
ହାଏନା, ହାଏନା, ନେ ଗନଃଏରାଃ ହଡ଼୍ମଏତେ ଅକଏ ଦୁଃଉଇଁଙ୍ଗା? (ରୋମି 7:24)
ନାରାକ୍ ରେୟାଃ ସାଜାଇ ନାମେ ହଡ଼ହନ୍କ ନାଗେନ୍ତେ ପାର୍ମେଶ୍ୱାର୍ରାଏ ଲିବୁୟାଦ୍ବୁଆ, ଆର୍ ନେ ଅତେ ଦିଶୁମ୍ରେ ନାରାକ୍ରାଃ ସାଜାଇଏତେ ଦୁଗଃରେୟାଃ ହୋରା ଉଦୁବାବୁ ନାଗେନ୍ତେ ହିଜୁଃଲେନା।
“ଆଇଁଙ୍ଗ୍ ... ପାପି ହଡ଼କ ହେୟାତିଙ୍ଗ୍ ନାଗେନ୍ ରାଆଃଉତେଙ୍ଗ୍ ହିଜୁୱାକାନା।” (ଲୁକା 5:32)
ଆବୁକେ ଗନଃଏସାଃତେ ଆୟାର୍ ଇଦିବୁତାନ୍ ଆବୁୱାଃ ପାପ୍ ଛେମାଏ ନାଗେନ୍ତେ ଅଡ଼ଃ ନାରାକ୍ ରେୟାଃ ସାଜାଇଏତେ ଦୁଃଉବୁ ନାଗେନ୍ତେ, ପାର୍ମେଶ୍ୱାର୍ ମାନୱାଁ ଜାତି, ଏନ୍ ପାପିକ ଦୁଃଉକ ନାଗେନ୍ତେ ଆୟାଃ ଜିଲୁ ଅଡ଼ଃ ମାୟଁମାଏ ଅମକେଦା।
“ନେ ଜମେପେ; ନେୟାଁ ଫାସା ରେୟାଃ ଲାଦ୍ ଆଇଁଙ୍ଗାଃ ଜିଲୁ ତାନାଃ।” (ମାତି 26:26)
ନେୟାଁଦ ନାୱାଁ ନିୟାଁମ୍ ଫାସାରେୟାଃ ଆଇଁଙ୍ଗାଃ ମାୟଁମ୍ ତାନାଃ, ଏନା ପୁରାଃ ହଡ଼କୱାଃ ପାପ୍ ଛେମା ନାତିନ୍ତେ ଲିଙ୍ଗିୟଃତାନା। (ମାତି 26:28)
ଚିମ୍ତା ଆବୁ ନାୱାଁ ନିୟାଁମ୍ ରେୟାଃ ଫାସାବୁ ମାନାତିଙ୍ଗେତାନା, ଆବୁ ପାପ୍ ଛେମା ରେୟାଃ ଆଶିଷ୍ବୁ ନାମେତାନା ଅଡ଼ଃ ନାରାକ୍ ରେୟାଃ ସାଜାଇଏତେବୁ ଦୁଗଃତାନା।
ଅଡ଼ଃ ଏନେତେ ଆବୁ, କା ଟୁଣ୍ଡୁଃ ଯୀଦାନ୍ ନାମ୍କେତେ ସୁର୍ମା ରାଇଜ୍ରେବୁ ସେନ୍ ଧାଳିୟା।
ଆଇଁଙ୍ଗାଃ ଜିଲୁ ଜମେ ଅଡଃ ଆଇଁଙ୍ଗାଃ ମାୟଁମ୍ ନୁଏନିୟାଃ କା ଟୁଣ୍ଡୁ ଯୀଦାନ୍ ମେନାଃ; ଅଡଃ ଆଇଙ୍ଗ୍ ତାୟମ୍ ହୁଲାଙ୍ଗ୍ରେ ଇନିଃଇଁଙ୍ଗ୍ ବିରିଦିୟା। (ଯୋହାନ୍ 6:54)
ମେନ୍ଦ, ଆବୁ “ଫାସା ରେୟାଃ ହୋରାତେ ପାପ୍ ଛେମା ଅଡ଼ଃ କା ଟୁଣ୍ଡୁଃ ଯୀଦାନ୍ ନାମେପେ,” ନେ କାଜିକେବୁ ହେତା ବାଗୀଏରେଦ,
ସିର୍ମାରେବୁ ରିକାଲେଦ୍ ଆବୁୱାଃ ପାପ୍କ କା ଛେମାଃଅଁୱାଁ, ଅଡ଼ଃ ଆବୁୱାଃ ନାତିନ୍ ଦହାକାନ୍ଲେକା ନାରାକ୍ରାଃ ସାଜାଇବୁ ନାମେୟାଁ।
“ଆଇଁଙ୍ଗ୍ ଦୁକୁ ସାହାତିଙ୍ଗ୍ ସିଦାରେ ନେ ଫାସା ଜମେୟାଃ ଆପେଲଃ ଜଜମ୍ ଇସୁଇଁଙ୍ଗ୍ ସାନାଙ୍ଗ୍କେନା।” (ଲୁକା 22:15)
ଏନାମେନ୍ତେ ହେଗେ ପାର୍ମେଶ୍ୱାର୍ରାଃ ଚିହ୍ନା ପାପ୍ ଛେମା ନାତିନ୍, ନାୱାଁ ନିୟାଁମ୍ରାଃ ଫାସା ମାନାତିଙ୍ଗେପେ ଅଡ଼ଃ ସିର୍ମା ରାଇଜ୍ରେ ରୁୱାଡ଼୍ପେ!
- Post Date
- Dec 9, 2025
- Emotion
- 0
