ନର୍କ

ନର୍କ ଏକ ଅତ୍ୟନ୍ତ ଭୟଙ୍କର ସ୍ଥାନ ଯେଉଁଠାରେ ଅଗ୍ନିର ଯନ୍ତ୍ରଣାରେ ଏକ ବୁନ୍ଦା ପାଣି ପାଇବା ମଧ୍ୟ କଷ୍ଟକର । (ଲୂକ ୧୬:୨୪)
ଯୀଶୁ କହିଲେ ଯେ ଯଦି ଆମ୍ଭମାନଙ୍କ ହାତ, ପାଦ କିମ୍ବା ଆଖି ଆମ୍ଭମାନଙ୍କୁ ପାପ କରାଏ, ତେବେ ନର୍କକୁ ଯିବା ଅପେକ୍ଷା ସେଗୁଡ଼ିକୁ କାଟି ଦେବା ଭଲ । (ମାର୍କ ୯:୪୩) ଏହାର କାରଣ ହେଉଛି ନର୍କର ଯନ୍ତ୍ରଣା ଆମ୍ଭମାନଙ୍କ ଶରୀରର ଏକ ଅଙ୍ଗ କାଟିବାର ଯନ୍ତ୍ରଣା ସହିତ ତୁଳନା କରାଯାଇପାରିବ ନାହିଁ ।

“କାରଣ ନରକରେ ସେମାନଙ୍କର କୀଟ କ୍ଷୟ ପାଏ ନାହିଁ, ଆଉ ଅଗ୍ନି ନିର୍ବାପିତ ହୁଏ ନାହିଁ ।” ମାର୍କ ୯:୪୮

“ଯେଣୁ ପ୍ରତ୍ୟେକ ଜଣ ଅଗ୍ନିରେ ଲବଣାକ୍ତ ହେବ ।” ମାର୍କ ୯:୪୯

ଯଦିଓ ନର୍କରେ ଦଣ୍ଡ ଅତ୍ୟନ୍ତ ଯନ୍ତ୍ରଣାଦାୟକ, ତଥାପି ଆମ୍ଭେମାନେ ନିଜେ ମରି ପାରିବା ନାହିଁ ।
ନର୍କରେ, ଜୀବନରେ ଆନନ୍ଦର କୌଣସି ମୁହୂର୍ତ୍ତ ନାହିଁ, ବିଶ୍ରାମର ମୁହୂର୍ତ୍ତ ନାହିଁ, ଏବଂ ପରିତ୍ରାଣର ଆଶା ନାହିଁ, କିନ୍ତୁ କେବଳ ଅତ୍ୟଧିକ ଯନ୍ତ୍ରଣା, ଅନୁତାପ ଏବଂ ଦୁଃଖ । ଯଦି ଆମ୍ଭେମାନେ ସୁସମାଚାର ଶୁଣିବା ପରେ ଅନୁତାପ କରୁନାହୁଁ, ତେବେ ଆମ୍ଭମାନଙ୍କୁ କାହିଁକି ନର୍କକୁ ଯିବାକୁ ପଡିଥାଏ?

ଏହି ପୃଥିବୀରେ ଜନ୍ମ ହେବା ପୂର୍ବରୁ, ଆମ୍ଭେମାନେ ସ୍ୱର୍ଗରେ ସ୍ୱର୍ଗଦୂତ ଥିଲୁ । (ଆୟୁବ ୩୮:୪-୨୧)
କିନ୍ତୁ, ଆମ୍ଭେମାନେ ସ୍ୱର୍ଗରେ ପାପ କଲୁ ଏବଂ ଆମ୍ଭମାନେ ନର୍କକୁ ଯିବାର ଦଣ୍ଡ ପାଇଲୁ । ସେଥିପାଇଁ ଆମ୍ଭେମାନେ ଏକ ଆତ୍ମିକ ଜେଲ, ପୃଥିବୀରେ ଜନ୍ମ ହେଲୁ, ଏବଂ ଆମ୍ଭେମାନେ ଅସ୍ଥାୟୀ ଭାବରେ ଏଠାରେ ବାସ କରୁ । (ଯିହିଜିକଲ ୨୮:୧୩-୧୭)
ଯଦି ଆମ୍ଭେମାନେ ଏହି ପୃଥିବୀରେ ନର୍କର ଦଣ୍ଡରୁ ରକ୍ଷା ପାଇବା ପାଇଁ ରାସ୍ତା ଖୋଜିବା ନାହିଁ, ତେବେ ଆମ୍ଭେମାନେ ନର୍କକୁ ଯିବା ସୁନିଶ୍ଚିତ ।

“ହାୟ, ଦୁର୍ଭାଗ୍ୟ ମନୁଷ୍ୟ ଯେ ମୁଁ, ମୋତେ ଏହି ମୃତ୍ୟୁର ଶରୀରରୁ କିଏ ଉଦ୍ଧାର କରିବ?” ରୋମୀ ୭:୨୪

ପରମେଶ୍ବର ମାନବଜାତି ପ୍ରତି ଦୟା କଲେ, ଯେଉଁମାନେ ନର୍କର ଦଣ୍ଡ ପାଇବାକୁ ନିଯୁକ୍ତ ଥିଲେ, ଏବଂ ସେ ନିଜେ ଏହି ପୃଥିବୀକୁ ନର୍କର ଦଣ୍ଡରୁ ରକ୍ଷା ପାଇବା ପାଇଁ ରାସ୍ତା ଦେଖାଇବାକୁ ଆସିଲେ ।

“ମୁଁ ... ମନପରିବର୍ତ୍ତନ ନିମନ୍ତେ ପାପୀମାନଙ୍କୁ ଆହ୍ଵାନ କରିବା ପାଇଁ ଆସିଅଛି ।” ଲୂକ ୫:୩୨

ଆମ୍ଭମାନଙ୍କ ପାପକୁ କ୍ଷମା କରିବା ପାଇଁ ଯାହା ମୃତ୍ୟୁ ଆଡ଼କୁ ନେଇଯାଏ ଏବଂ ଆମ୍ଭମାନଙ୍କୁ ନର୍କର ଦଣ୍ଡରୁ ରକ୍ଷା କରିବା ପାଇଁ, ପରମେଶ୍ୱର ମାନବଜାତି, ପାପୀମାନଙ୍କୁ ରକ୍ଷା କରିବା ପାଇଁ ତାଙ୍କର ମାଂସ ଓ ରକ୍ତ ପ୍ରଦାନ କଲେ ।

“ନିଅ, ଭୋଜନ କର, ଏହା ନିସ୍ତାରପର୍ବର ମୋହର ଶରୀର ।” ମାଥି ୨୬:୨୬

“କାରଣ ଯେଉଁ ନିୟମର ରକ୍ତ ଅନେକଙ୍କ ନିମନ୍ତେ ପାପକ୍ଷମା ଉଦ୍ଦେଶ୍ୟରେ ପାତିତ ହେଉଅଛି, ନିସ୍ତାରପର୍ବର ଏହି ଦ୍ରାକ୍ଷାରସ ମୋହର ସେହି ରକ୍ତ ।” ମାଥି ୨୬:୨୮

ଯେତେବେଳେ ଆମ୍ଭେମାନେ ନୂତନ ନିୟମର ନିସ୍ତାରପର୍ବ ପାଳନ କରୁ, ସେତେବେଳେ ଆମ୍ଭେମାନେ ପାପ କ୍ଷମାର ଆଶୀର୍ବାଦ ପ୍ରାପ୍ତ କରୁ ଏବଂ ଆମ୍ଭେମାନେ ନର୍କର ଦଣ୍ଡରୁ ରକ୍ଷା ପାଇଥାଉ । ଏବଂ ଆହୁରି ମଧ୍ୟ, ଆମ୍ଭେମାନେ ଅନନ୍ତ ଜୀବନ ପ୍ରାପ୍ତ କରି ସ୍ୱର୍ଗକୁ ଫେରିପାରିବା ।

“ଯେ ମୋହର ମାଂସ ଭୋଜନ କରେ ଓ ମୋହର ରକ୍ତ ପାନ କରେ, ସେ ଅନନ୍ତ ଜୀବନ ପ୍ରାପ୍ତ ହୁଏ, ଆଉ ମୁଁ ଶେଷ ଦିନରେ ତାହାକୁ ଉତ୍ଥାପନ କରିବି ।” ଯୋହ ୬:୫୪

କିନ୍ତୁ, ଯଦି ଆମ୍ଭେମାନେ ଏହି ବାର୍ତ୍ତାକୁ ପ୍ରତ୍ୟାଖ୍ୟାନ କରୁ ଯେ, “ନିସ୍ତାରପର୍ବ ଦ୍ୱାରା ପାପକ୍ଷମା ଏବଂ ଅନନ୍ତ ଜୀବନ ପ୍ରାପ୍ତ କର,” ତେବେ ସ୍ୱର୍ଗରେ କରାଯାଇଥିବା ଆମ୍ଭମାନଙ୍କର ପାପକୁ କ୍ଷମା କରାଯିବ ନାହିଁ, ଏବଂ ଆମ୍ଭେମାନେ ଭାଗ୍ୟ ଅନୁଯାୟୀ ନର୍କର ଦଣ୍ଡ ପାଇବା ।

“ମୋହର ଦୁଃଖଭୋଗ ପୂର୍ବେ ମୁଁ ତୁମ୍ଭମାନଙ୍କ ସହିତ ଏହି ନିସ୍ତାର ଭୋଜ ପାଳନ କରିବାକୁ ଏକାନ୍ତ ବାଞ୍ଛା କଲି ।” ଲୂକ ୨୨:୧୫

ଦୟାକରି ପାପ କ୍ଷମା ପାଇଁ ପରମେଶ୍ବରଙ୍କ ଚିହ୍ନ, ନୂତନ ନିୟମର ନିସ୍ତାରପର୍ବ ପାଳନ କରନ୍ତୁ ଏବଂ ସ୍ୱର୍ଗକୁ ଫେରିଯାଆନ୍ତୁ!