ଏଟାଃ ଫାସା

ପାରମେଶ୍ୱାରାଆ କାଲିସିୟା ଅକଏ ଫାସା ମାନାତିଇଁଙ୍ଗ୍ ତାନା ଅଡ଼ଃ କାଲିସିୟା ଅକଏ ଫାସା କାଏ ମାନାତିଇଁଙ୍ଗୟା ଏନାରା ବିଷାଏରେ ଧାରାମ୍ ପୁଥି ରାଃ ଇତୁନ୍ ଚିନା ତାନା?

ମୁସା ଗା ସମାଏ ରେ, ପାରମେଶ୍ୱାର୍ ଏନ୍ ଇସ୍ରାଏଲ୍ ହଳକକେ ହାଏନାତେ ଦୁଃଅ ଲେଦ୍ କଃଆ ଅକଏ ଫାସା କୋ ମାନାତିଇଁଙ୍ଗ୍ ଅଡ଼ଃ ଏନ୍ ସବେନ୍ ମିଶ୍ର ରେ ପାରିୱାର୍ କକେ ସାଜାଉ ଏମାଦ୍ କଃଆ ଅକଏ ଫାସା କାକ ମାନାତିଇଁଙ୍ଗ୍ ଲାଃ। ନେୟା ଆବୁକେ ଉଦୁବାବୁ ତାନା ଚି ଚିଲକା ଆବୁ ବିପାତିତେ ବାଞ୍ଚାଅଗା ଅଡ଼ଃ କା ଟୁଣ୍ଡୁ ଜୀଦାନ୍ ବୁ ନାମ୍ ଧାଳିୟା।

ଫାସା ରେ ଅକନ୍ ଆଶିଷ୍ ମେନାଃ ଅକନା ଆବା ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଉମା ପାରମଶ୍ୱାର୍ ନେୟାକେ ହାଡ଼ମିସା କିନ୍ ଆଉକାଦା?

ନାୱା ନିୟାମ୍ ରା ଫାସା ଏନ୍ ହୁଲାଙ୍ଗ୍ ତାନା ଚିମ୍ ତାଙ୍ଗ୍ ମାନୱାଜାତିକ ପାରମେଶ୍ୱାର୍ ଗା ମାଂସ ଅଡ଼ଃ ମାୟୋମ୍ କେ ସାମାତେକ ନାମେୟା ଅଡ଼ଃ ପାରମେଶ୍ୱାର୍ ଗା ହନକ ଲେକାତେ ଛାପ୍ ବୁ ନାମେୟା ଅଡ଼ଃ ଏନ୍ ହୁଲାଙ୍ଗ୍ ଚିମ୍ତାଙ୍ଗ୍ ଇନ୍କୁକେ ସିର୍ମାରେ ପାପ୍ କାଦ୍ ଇନକୁଆ ସବେନ୍ ପାପ୍ କ୍ଷମା ହବାଅଗା ଅଡ଼ଃ ଇନକୁ କା ଟୁଣ୍ଡୁ ଜୀୱାନ୍ କୋ ନାମେୟା।
ନେ କାରାଣତେ ଚି ପାରମେଶ୍ୱାର୍ ଗୋଟା ଦିସୁମ୍ ରେ ଫାସା ମାନାତିଇଙ୍ଗ୍ ଅଡ଼ଃ ଇଲକୁଆ ଦୁଃନୁ ନାମ୍ ଲାଇ ପୁରାଃଏ ସାନାଙ୍ଗ୍ ତାନା ଏନ୍ତେ ପାବିତ୍ର କାଲେଣ୍ଡାର୍ ଲେକାତେ ଏଟା ମାହିନା ରାଃ14 ହୁଲାଙ୍ଗ୍ ଫାସା ମାନାତିଇଙ୍ଗ୍ ଲାଇ ଅଡ଼ଃ ମିସା ମୋଉକା ଏମେତାନା।

ଆପେ ଇସ୍ରାଏଲ୍ଃ ହନକୋ କାଜିଆକମ୍…ଏଟା ଚାଣ୍ଡୁ ଗେଲ୍ ଉପୁନ୍ ହୁଲାଙ୍ଗ୍ ରେ ଆୟୁବ୍ ଇମ୍ତାଙ୍ଗ୍ ଏନାକ ମାନାତିଇଁଙ୍ଗ୍ କା ସବାଃ ଲାଦ୍ ଅଡ଼ଃ ହାଳାଦ୍ ଉତୁଲଃ ଏନାକ ଜମେକା… ସେତାଃ ଜାକେଦ୍ ଏନାଏତେ ଜେତାନା ଆଲକାକୋ ସାରେ ଅଡ଼ଃ ଇନିଆଃ ଜେତାନ୍ ଜାଙ୍ଗ୍ ଆଲକାକ ଠୋଏ; ଫାସା ପାର୍ବ ରେୟା ଗୋଟା ନେଗଲେକାକ ମାନାତିଇଙ୍ଗ୍ କା। ଅଡ଼ଃ ଜେତାଏ କା ସତରାକାନ୍ ଅଡ଼ଃ ହରାରେ କଏ ତାଇନ୍ ରେଦ, ଅଡ଼ଃ ଫାସା ପାର୍ବ କାଏ ମାନାତିଇଙ୍ଗ୍ ରେଦ ଇନି ଆୟାଃ ହଳକଏତେ ମାଗଃଆ, ଇନିଦ ନେଡ଼ା କାନ୍ ନେଡ଼ାରେ ପ୍ରାଭୁଆ ଦାଣେ କାଏ ରାକାବ୍ କେଦା ଏନ୍ ହଳ ଆୟା ପାପ୍ ରାଃ ଜୋଏ ନାମେୟା।
ମୁସାଃ ଉପୁନିୟାପୁଥି 9:10-13