Na Siga ni Veisorovaki kei na Loloma ni Veivueti

Ni Solia na Kalou na Vunau
e Tini ena iKarua ni Gauna,
Sa Kena Ibalebale Oqo ni a
Vakatara na Vosoti ni iValavala Ca

Na imatai ni Vunau e Tini a ciqoma o
Mosese a voroki baleta ni ra qarava na
luve ni bulumakau koula na Isireli.
Ni ra sa kila na Isireli na nodra ivalavala
ca ka veivutuni, a lako sobu mai o Mosese
kei na ikarua ni Vunau e Tini a solia vei ira na
Kalou me ivakatakilakila ni veivosoti.
Oqo sa yaco me itekitekivu
ni Siga ni Veisorovaki.

Era na Lako Mai na Lewe ni Lotu
ni Kalou vua na Kalou na Tinada,
na Vanua Tabu Sara, ena Siga ni
Veisorovaki

Ni sa ivalavala ca e dua na tamata,
na ivalavala ca oqori ena vakadewataki
vakawawa vua na Kalou, na valenilotu,
me yacova na Siga ni Veisorovaki.
Ni sa curuma oti na bete levu na
Vanua Tabu Sara ka vakayacora
na soqo ni vakamiraki ni dra,
sa na vosoti sara na ivalavala ca.
Sa vakakina, nikua, ni sega ni ciqoma
na loloma soli wale kei Jerusalemi,
o koya na Vanua Tabu Sara,
oya, na Kalou na Tinada,
ena sega ni dua e rawata taucoko
na vosoti ni ivalavala ca se veivakabulai.

Ni sa oti na nona sorovaka na Tikina
Tabu Sara, kei na Vale ni Veitavaki,
kei na i cabocabonisoro, me qai
cabori vei Jiova na me sa bula ka
sa digitaki me colata na i valavala ca.
Me qai tabaka na ulu ni me bula o
Eroni ena ligana ruarua ka vakatusa
kina na nodra caka cala kei na
talaidredre kecega na Isireli.
Ni caka na vakatutusa oqo, sa
vakadewataki kina na i valavala ca
kece sara ki na ulu ni me.
Me qai vakatalai tani yani na me
oqo ki na vanua lala mai vua e dua
sa lesi me vakayacora vakakina.
Ena colata tani yani na me na i valavala ca
kece sara ni sa sereki yani ki na vanua lala.
Vunau ni Soro 16:20–22