O le Tusi Paia o le Afioga a le Atua lea e ta'ita'iina atu i le Fa'aolataga, ma e lē tatau i se tasi ona faaopoopo i ai pe toesea se mea mai ai.
O le agavaa e ulu atu ai i le malo o le lagi, e na o i latou o ē faia le finagalo o le Atua. O le Tusi Paia o le fe'au a le Atua o le faaolataga i tagata uma, na tusia e perofeta o ē na uuna'ia e le Agaga Paia e faamaumau Lona finagalo. O le mafuaaga lea na poloaiina ai e le Atua e lē tatau ona tatou faaopoopo atu pe aveesea mai ana afioga.
Aiseā e talitonu ai le Ekalesia a le Atua i le Atua le Tama ma le Atua le Tina?
I le Tusi Paia, e tusa ma le 2,500 taimi o loo ta'ua ai le Atua i le numera tele, ae lē o le numera tasi. E lē gata i lea, o loo molimau mai le Tusi Paia e pei lava ona i ai se tina i le lalolagi o laau ma le lalolagi o manu na foafoaina e tusa ai ma le finagalo o le Atua, e faapena fo'i i le malo o le lagi, o loo i ai le Atua le Tina, o lē na te tuuina mai le ola e faavavau, ma lo tatou aiga faalelagi faaleagaga.
O lea i o mai ai outou nai totonu ia te i latou, ma ia outou vavae mai, ua fetalai mai ai le Alii, aua foi tou te papai atu i se mea leaga; ona ou talia ai lea o outou... ...e fai foi a‘u mo outou Tamā, e fai foi outou mo‘u atalii ma o‘u afafine, ua fetalai mai ai le Alii e ona le malosi uma lava. II Korinito 6:17–18
a o Ierusalema i lugā o le tama a le eleele ia, o le tinā o i tatou uma lava ia. Kalatia 4:26
- Aso Tusia
- May 8, 2026
- Tigāalofa
- 0
