Kaitorni Mothani Adongrok Kaitor Bórokno Khlainani Bagwi Dagimano Bórok Abono Khwna Jora Ler Rw Ya
“Thinangni kókno tẃi kung ta chuk di,” hwnmani o kóktháirok wng kha Kaitor muitu khlaiwi rwmani se abo wng kha chini hamarini sepno srai-srai wng ya a khwnani bagwi ler rw ya wngmani omo belai khe nangkukmani hwnwi. Aboni slái-o, chwng tini’-no chini hamjakmungno chini takhuk tei bukhuksongno yapharnani nangnai, tini’-no suri sannani nangnai, tini’-no chini cha ya khlamarokni khá kiphilnani nangnai, tei tini’-no mwthangjakmungni kóktmarokno pírnani nangnai.
Baibelo Mwthangjakmungno Mannai A Bororok Kaitorni Muchungmungno Buchimani logi logino Bórok Abóno Rákhogo
Kubuino buchimani logi logino lama-o baptisma wngnai a Kandakini gurma, bó wng kha Ithiopiani isiri, bini laibumani bising tẃi tei phungni bagwi naising yaui hor dibor-o’-no baptisma wngnai a along mwrwknai tei bini núkhungni bororok, bórokni laibumani bising tẃi, Khristo Ahnsahnghong bai Ama Kaitor chwngno chwng omono twẃi buchimani logi logino kothoma kahamni swmai kwtal—a mwthangjakmungni kóktmarokno pír khe simi se chwng swngcharno mwthangwi man anw hwnwi phrwngo.
Thinangni kókno tẃi kung ta chuk di, tamni hwn ba thinango tamo wngno nwng si ya. Phrwngmung 27:1
- আগের তারিখ
- 2026 Oct 16
- সহানুভূতি
- 5
