Magpapanaw ug Latagaw

Ang Kalainan Tali sa mga Nagpuyo Ingong mga Magbibiyahe ug Kadtong Nagkinabuhi Ingon nga mga Naglaaglaag

Gitudloan ni Jesus ang katawhan pinaagi sa Sambingay sa Tawo nga Dato ug ni Lazaro nga ang kinabuhi dinhi sa yuta dili mao ang katapusan. Si Lazaro, bisag kabos dinhi sa yuta, nagkinabuhi ingong usa ka magpapanaw nga may Paglaum sa langit ug sa kataposan nakakaplag ug kalipay.
Sa laing bahin, ang dato nga tawo nagpuyo sa usa ka kinabuhi nga maluho, apan siya nagkinabuhi ingon nga usa ka latagaw.
Napakyas siya sa pag-andam alang sa Gingharian sa langit ug sa katapusan nag-antus sa impirno.

Ang mga Miyembro sa Simbahan sa Dios Nagsangyaw sa Bag-ong Kasabotan, ang Dalan Balik sa Langit

Si Cristo Ahnsahnghong ug ang Dios Inahan mihatag sa katawhan sa pagpamatuod sa mga katigulangan sa pagtuo sama nila ni Abraham ug Moises kinsa miingon, “Kami mga langyaw ug mga magpapanaw dinhi sa yuta.”
Pinaagi niini nga mga talaan sa Biblia, Ilang gilamdagan ang tanang katawhan nga ang ilang tinuod nga puloy-anan diin sila kinahanglan mobalik mao ang Gingharian sa langit.

Nangamatay silang tanan diha sa pagtuo. Wala sila makadawat sa mga butang nga gisaad sa Dios apan bisan layo pa kaayo nakita na nila kini ug gikahinangop nila ug miila sa dayag nga sila mga langyaw ug mga lumalabay dinhi sa kalibotan.
Hebrews 11:13

Ug miingon kanila si Jesus, “Ayaw kamog kaguol. Salig kamo sa Dios ug salig usab kanako.
Ang balay sa akong Amahan adunay daghang mga lawak; . . . Ako moadto didto aron sa pag-andam ug dapit alang kaninyo. . .
aron maanaa usab kamo kon asa ako.”
John 14:1–3