U Nongleit Jingleit bad U Nongiaid Wir

Ka Jingiapher Hapdeng Kito Kiba Im kum ki Nongleit Jingleit bad Kito Kiba Im kum ki Nongiaid Wir

U Jisu u la hikai ia u bynriew lyngba ka Pharshi jong U Riewspah bad U Lasaros
ba ka jingim ha kane ka khyndew kam dei kaba kut. U Lasaros, la u duk ha kane ka khyndew,
u la im kum u nongleit jingleit da kaba kyrmen ia ka bneng bad ha kaba kut u la shem ka jingsuk.
Ha kawei pat ka liang, uba riewspah u la im ka jingim kaba pahuh, hynrei u la im kum u nongiaid wir.
Um shym la lah ban pynkhreh na ka bynta ka hima ki bneng bad ha kaba kut u la kordit ha dujok.

Ki Dkhot jong ka Balang U Blei ki Ialap ia ka Jutang Bathymmai, ka Lynti ban Leit Phai Sha Bneng

U Khrist Ahnsahnghong bad Ka Blei Ka Kmie ki la ai ia u bynriew ka jingphla jong ka jingngeit ki kpa tymmen
kum U Abraham bad U Moses kiba ong, “Ngi long ki nongwei bad ki nongleit jingleit ha kane ka pyrthei.”
Lyngba kine ki jingthoh ha ka Baibl, Ki la pyntip ia u bynriew baroh
ba ka їing bashisha jong ki ha kaba ki dei ban leit phai ka dei ka hima ki bneng.

Kine baroh ki la iap noh ha ka jingngeit, habym pat pdiang
ia kita ki jingkular, hynrei ba la iohi ia ki, bad la khublei ia ki na jngai,
ba la iaphla ba ki la long ki nongwei bad ki soh shnong ha kane ka pyrthei.
Sha Ki Hebru 11:13

“Wat khih khuslai na ka dohnud jong phi: to ngeit phi ha U Blei, to ngeit ha nga ruh.
Ha ka ïing U Kpa jong nga don bun ki pulit shong neh . . . naba ngan sa leit noh ban khreh
ka jaka ia phi . . . ba ha kaba nga long ma nga, phi ruh phi lah ban long.”
Ioannis 14:1–3