Aana yaKalunga Oye na Okutula Etegameno lyawo moshilongo shegulu, Hali mIinima yomuuyuni
Nonando Judas Iskariot okwa li omulongwa gwaJesus, omutima gwe ogwa li gwa tulwa komaliko gomuuyuni pehala lyoshilongo shegulu. Okwa li i ikwatha nokampunda kiimaliwa hoka a li a pewa a tonatele, nokwa li nokuli a ganda Maria sho a longitha omugwayo gwondilo okulongekidhila efumviko lyaJesus. Ngaashika naanaa ehistoli lyaDavid naAhitofel lya li omuzizimba gwopahunganeko, Judas okwa landitha poJesus niimaliwa yiisiliveli omilongo ndatu, nokwa gwanitha ehunganeko lye so lye sho e iimangeleke.
Ngaashika naanaa Eva a li a makelwa sho a Hedha Popepi nOmuti Gwokutseya Uuwanawa nUuwinayi, Emakelo Ohali Ziilile Aluhe Mwaashoka shi li popepi natse
Ngaashika naanaa Judas Iskariot a li a makelwa kokampund kiimaliwa hoka a li a pewa, natse wo otu na okukala twa kotokela omamakelo gaSatana, ngoka haga zilile olwindji momidhingoloko dhetu dhopopepi. Otu na okukala neitaalo lyetu noohapu niilonga yetu iiwanawa. Mboka haa landula nuudhiginini ondjila yu uka koshilongo shegulu ndjoka tayi wilikwa kuKristus Ahnsahnghong naMeme Kalunga, otaa ka adhimitha Kalunga notaa ka tyapula eadhimo lyaaluhe moshilongo shegulu.
Muuyuni inatu ya mo nando onasha, osho wo itatu vulu okuza mo nasha. Oshoka mohole yeliko omo tamu zi uukolokoshi auhe. Aantu oyendji sho ya lalakanene eliko, oya puka mo mondjila yeitaalo noya yono po oomwenyo dhawo niimpwiyu oyindji. 1 Timoteus 6:7-10
Jesus okwe ya yamukula a ti: “Ogumwe gwomokati keni mboka omulongo nayaali, ngoka te elele metemba mumwe nangame. Omuna gwOmuntu ota ka sa, ngaashi kwa nyolwa, ihe yayee omuntu ngoka te ke mu gwaaleka! Omuntu ngoka ando a li inaa valwa, ando ihwepo.” Markus 14:20-21
- Esiku sha Tulwa ko
- Jun 15, 2026
