Ang Pagtuo ni Judas Iscariote

Ang mga Anak sa Dios Kinahanglang Ibutang ang Ilang Paglaom sa Gingharian sa Langit, Dili sa Materyal nga mga Butang

Bisan tuod si Judas Iscariote usa ka tinun-an ni Jesus, ang iyang kasingkasing anaa sa materyal nga bahandi imbes sa gingharian sa langit. Gikuha niya ang salapi gikan sa puntil nga gisalig kaniya ug gibadlong pa gani si Maria sa paggamit og mahal nga pahumot aron sa pag-andam sa paglubong kang Jesus. Sama nga ang kasaysayan ni David ug Ahitofel nagsilbi nga usa ka propetikanhon nga anino, gibaligya ni Judas si Jesus sa katloan ka pirasong sinsilyo ug sa kataposan natuman ang propesiya sa iyang kaugalingong kamatayon pinaagi sa pagbitay sa iyang kaugalingon.

Sama nga si Eva Gitintal sa Dihang Miduol Siya sa Kahoy nga Naghatag sa Kahibalo Unsay Maayo ug Unsay Daotan, ang Tintasyon Kanunay Gikan sa Unsa ang Duol Kanato

Sama nga si Judas Iscariote natintal sa puntil sa kuwarta nga gisalig kaniya, kita usab kinahanglang magmabinantayon batok sa mga tintasyon ni Satanas, nga kasagarang motungha gikan sa atong duol nga palibot. Kinahanglan magkinabuhi kita sa pagtou pinaagi sa puno sa grasya nga mga pulong ug binuhatan. Kadtong matinud-anon nga nagsunod sa dalan paingon sa gingharian sa langit nga gipangulohan ni Cristo Ahnsahnghong ug sa Dios Inahan mao ang maghimaya sa Dios ug magatagamtam sa walay kataposang himaya didto sa gingharian sa langit.

Unsa bay atong dala sa pagkatawo nato dinhi sa kalibotan? Wala! Ug unsa may atong madala inigkamatay nato? Wala usab! Kay ang pagkamahigugmaon sa salapi maoy tinubdan sa tanang pagkadaotan. May mga tawo nga tungod sa kadako sa ilang tinguha nga masapian, nahimulag hinuon sa pagtuo ug nahiagom sa daghang mga kagul-anan. 1 Timothy 6:7–10

Mitubag si Jesus, “Ang nagtunlob sa pan uban kanako niining panaksan. Ang Anak sa Tawo mamatay sumala sa giingon sa Kasulatan apan alaot siya nga magbudhi sa Anak sa Tawo! Maayo pa lang untag wala siya matawo!” Mark 14:20–21