Ko e Tui ʻa Siutasi ʻIsikalioteʹ

ʻOku Totonu ke Tuku ʻe he Fānau ʻa e ʻOtuaʹ ʻEnau ʻAmanaki Leleiʹ ki he Puleʻanga ʻo Hevaniʹ, kae ʻIkai ki he Ngaahi Meʻa Fakamatelieʹ

Neongo naʻe hoko ʻa Siutasi ʻIsikaliote ko ha ākonga ʻa Sīsū, ka naʻe tuku hono lotoʹ ki he koloa fakamatelieʹ kae ʻikai ki he puleʻanga ʻo hevaniʹ. Naʻaʹ ne toʻo maʻana ʻa e paʻanga mei he kato paʻanga naʻe tuku kiate ia pea naʻaʹ ne aʻu ʻo valokiʻi ʻa Mele ʻi heʻene fakaʻaongaʻi ʻa e lolo namu kakala fakatau mamafa ke teuteuʻi ʻaki ʻa Sīsū ki hono telioʻangaʹ. Hangē pē ko e hoko ʻa e hisitōlia ʻo Tēvita mo ʻEhitofeliʹ ko ha ʻata fakapalofisai foki ia, naʻe fakatau atu ʻe Siutasi ʻa Sīsū ʻaki ha konga siliva ʻe tolungofulu pea fakaʻosi ʻaki hono fakakakato ʻa e palofisai ʻo ʻene mate pē ʻaʻana ʻaki ʻene tautau ia.

Hangē pē ko hono ʻAhiʻahiʻi ʻo ʻIvi ʻi Heʻene ʻOfi ki he ʻAkau ʻo e ʻIlo ʻo e Lelei mo e Koviʹ, ʻoku Haʻu Maʻu pē ʻa e ʻAhiʻahiʹ mei he Meʻa ʻoku Ofi kiate Kitautoluʹ

Hangē pē ko hono ʻahiʻahiʻi ʻo Siutasi ʻIsikaliote ʻe he kato paʻanga naʻe tuku kiate ia, kuo pau foki ke tau tokanga ki he ngaahi ʻahiʻahi ʻa Sētaneʹ, ʻa ia ʻoku faʻa tupu mei hotau ʻātakai ofi maí. Kuo pau ke tau moʻuiʻaki ʻetau tuí ʻi he ngaahi lea mo e ngaahi ngāue angaʻofa. Ko kinautolu ʻoku muimui faivelenga ʻi he hala ki he puleʻanga ʻo hevaniʹ ʻoku tataki ʻe Kalaisi Ahnsahnghong mo e ʻOtua ko e Fa‘ē te nau fakalāngilangiʻi ʻa e ʻOtuaʹ pea mo fiefia ʻi he kololia taʻengata ʻi he puleʻanga ʻo hevaniʹ.

He tala‘ehai na‘a tau ha‘u mo kitautolu ha me‘a ki māmani, koe‘uhi foki ‘e ‘ikai te tau lava ke ‘alu mo kitautolu ha momo‘i me‘a: He ko e ‘ofa ki he pa‘angaʹ ko e aka ‘oku tupu mei ai ‘a e ngaahi kovi kotoa pē, pea ko e ni‘ihi ‘i he‘enau ala ki he me‘a ko ia kuo nau hē mei he lotu, pea kuo nau hokohoka‘i ‘aki ‘a kinautolu ‘a e ngaahi mamahi lahi. 1 Tīmote 6:7–10

Pea ne pehē kiate kinautolu, Ko e toko taha pē ‘o e kau Hongofulumāua, ‘a ia ‘oku ala fakataha mo au ‘i he tisi. ‘Oku mo‘oni ko e mole ‘a e Fanautama ‘a Tangata oku hangē ko ia kuo tohi ma‘ana, ka ‘oiauē ‘a e tangata ko ia, ‘a ia te ne lavaki‘i ‘a e Fanautama ‘a Tangata! ne ngutuhua ange ki he tangata o ia ‘oka ne ‘ikai fanau‘i. Ma‘ake 14:20–21