Kereke Ya Modimo E hlomilweng ke Jesu Ke yona Kereke Fela E Nang le Therešo ya Phološo
Kereke yeo Jesu a filego phološo ge a etla lefaseng le mengwaga ye 2,000 ya go feta gomme a hloma Paseka ya kgwerano ye mpsha, gomme Kereke yeo e bego e tsenelwa ke bakgethwa ba Kereke ya pele go swana le Baapostola Paulo, Petro, le Johane e be e le Kereke ya Modimo. Lega go le bjalo, mo e ka bago lekgolong la bo-4 la nywaga, melao ya Modimo e ile ya fedišwa, gomme mekgwa ya boheitene e ile ya tsena ka gare ga kereke. Seetša sa phološo se ile sa nyamelela gomme Mehla ya Lefsifsi ya thoma.
Kereke ya Modimo E hlomilwe ke Kreste Ahnsahnghong, Yo a Tlileng La Bobedi Go Phološa Batho
Go ya ka seporofeto sa Beibele, Kriste Ahnsahnghong o hlomile Kereke ya Modimo kua Korea ka 1964 gomme a etelela pele Kereke ka therešo ya Paseka ya kgwerano ye mpsha yeo e theilwego Beibeleng le motheong wa baporofeta. O hlatsetše bana ba gagwe ka Modimo Mma, yo a tlilego lefaseng le go phološa batho, a re, “Petro o latetše Jesu, gomme nna ke latela Mma.”
Re ngwalela phuthego ya Modimo e lego motseng wa Korinthe, bakgethegi ka Jesu Kriste, babidiwa ba bakgethwa, le bohle ba ba rapelago gohle ina la Mongarena Jesu Kriste, Mong wa bona le wa rena. 1 Bakorinthe 1:2
Le agišitšwe godimo ga motheo wa Baapostola le Baporofeta, mo lebje le le thekgilego e lego yena Jesu Kriste. Baefeso 2:20
- Post Date
- Nov 28, 2025
- Emotion
- 0
