Mafelo a Dikotsi le a Ditšhegofatšo

Kgwerano e Mpsha ya Modimo e tliša tšhegofatšo ge e bolokwa, e Kerekeng ya Modimo.

Nakong ya phudugo ya Baisiraele, dikotsi di wetše Egipita ka moka, eupša ga se tša wela Baisiraele. Ye e bile phapano magareng ga lefelo le le nago le kgwerano ya Modimo le le le se nago yona. Modimo o file tshepišo e kgolo gore kae le kae moo taelo ya gagwe—Paseka ya kgwerano e mpsha—e bolokwago, batho ba gagwe ba tla šegofatšwa ge ba tsena le ge ba etšwa, gomme o tla ba phagamiša go feta ditšhaba ka moka tša lefase.

Kgwerano e Mpsha: Tshepišo ya Modimo e tlama Modimo le batho bjalo ka Batswadi le Bana.

Baporofeta Jesaya, Tsefanya le Petro ba hlatsela gore kotsi e kgolo ya mollo e tla wela lefase le ka ge le sa boloke kgwerano e mpsha, ya letšatši la Sabatha la Modimo le Paseka. Beibele e hlatsela gore ke ka go boloka kgwerano ya Modimo fela batho ba ka bago bana ba Tate Kreste Ahsahnghong le Modimo Mma, le go amogela tšhireletšo ya Modimo dikotsing ka moka.

Ge o tiiša go theetša se Morena Modimo wa gago a se boletšego, wa hlokomela le ditaelo tša gagwe ka moka tše ke go anegelago tšona lehono, wa dira ka mo di bolelago ka gona, ke gona Morena Modimo wa gago a tlogo go šetša go fetiša ditšhaba ka moka tša lefase. Tše di tlogo go tlela ke ditšhegofatšo tše ka moka. Di tlo go fihlela ge o theetša se Morena Modimo wa gago a se boletšego. . . . O tlo šegofatšwa ge o tsena; o tlo šegofatšwa ge o etšwa. DOITERONOMIO 28:1–6

E re ge o botša tšhaba se mantšu ao ohle, mme ba botšiša ba re: Ke ka baka lang ge Morena a re bolela ka mabošula a makaakaa? Molato ke eng? Bosenyi bja rena ke bofe? Dibe tše re senyeditšego Morena Modimo wa rena ka tšona ke dife? Ke mo o tlogo fetola wa re: Ke ka gobane borraweno ba ntlhadile. O realo Morena. Mme ba latetše medimo e šele ba hlankela yona, ba e khunamela. Nna ba ntahla, mme melao ya ka ba se e hlokomele. JEREMIA 16:10–11