ପାର୍ମେଶ୍ୱାର୍ରାଃ ନାୱାଁ ନିୟାଁମ୍, ଏନା ମାନାତିଙ୍ଗ୍ଲେରେ ଆଶିଷ୍ ନାମଃୱାଁ, ପାର୍ମେଶ୍ୱାର୍ରାଃ କାଲିସିୟାରେ ନାମଃତାନା।
ଇସ୍ରାଏଲୀକୱାଋଃ ସେନ୍ ହୋରା ରେୟାଃ ଦିପିଲିରେ, ଗୋଟା ମିସାର୍ରେ ଦୁକୁ ଠଃଅଲେନା, ମେନ୍ଦ ଇସ୍ରାଏଲୀକରେ ଜେତାନ୍ ଦୁକୁ କା ଠଃଅଲେନା। ନେୟାଁଗେ ପାର୍ମେଶ୍ୱାର୍ରାଃ ନିୟାଁମ୍ ମେନାଃକରେ ଆର୍ ନିୟାଁମ୍ ବାନଃତେନ୍କରେ ଜକା ତାଇକେନା। ପାର୍ମେଶ୍ୱାର୍ ନେ ମାରାଙ୍ଗ୍ ବନର୍ସା ଆୟାଃ- ନାୱାଁ ନିୟାଁମ୍ ଫାସାରାଃ ଆଞ୍ଚୁ- ଅକନ୍ତାଃରେ ମାନାତିଙ୍ଗଃୱାଁ, ଏନ୍ତାଃରେ ଆୟାଃ ହଡ଼କ ବଲରେ ଅଡ଼ଃ ଅଡ଼ଙ୍ଗଃରେକ ଆଶିଷଃୱା, ଅଡ଼ଃ ଇନ୍କୁକେ ଅତେ ଦିଶୁମ୍ରେନ୍ ସୋବେନ୍ ଜାତିକଏତେ ମାରାଙ୍ଗାଏ ବାଇକଆ।
ନାୱାଁ ନିୟାଁମ୍: ପାର୍ମେଶ୍ୱାର୍ରାଃ ବନର୍ସା ତାନାଃ ଅକନାଃ ପାର୍ମେଶ୍ୱାର୍ ଆର୍ ମାନୱାଁଜାତିକକେ ଏଙ୍ଗା ଆପୁ ଆର୍ ହନ୍କ ଲେକାତେ ଥଲ୍କ ତାନା।
ଆୟାର୍କାଜିଏତାନ୍ ନାବି ଯାଶାୟା, ସାପାନ୍ୟା ଅଡ଼ଃ ପାତ୍ରାସ୍ ଗୱାଏ ପେରେଃ ତାନା ଚି ଅତେ ଦିଶୁମ୍ରେ ସେଙ୍ଗେଲ୍ ମିୟାଁଦ୍ ମାରାଙ୍ଗ୍ ଦୁକୁ ହିଜୁଃୱା, ଚିୟାଃଚି ଅତେ ଦିଶୁମ୍ ପାର୍ମେଶ୍ୱାର୍ରାଃ ରୁଡ଼ୁନ୍ ହୁଲାଙ୍ଗ୍ ଆର୍ ଫାସା ଆର୍ ନାୱାଁ ନିୟାଁମ୍ କାକ ମାନାତିଙ୍ଗ୍କେଦା। ଧାରାମ୍ ପୁଥି ଗୱାଏ ପେରେଃ ତାନା ଏସ୍କାର୍ ପାର୍ମେଶ୍ୱାର୍ରାଃ ନିୟାଁମ୍ ମାନାତିଙ୍ଗ୍କେତେଗେ ହଡ଼ହନ୍କ ଆବା ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଏଙ୍ଗା ପାର୍ମେଶ୍ୱାର୍ରାଃ ହନ୍କକ ବାଇ ଧାଳିୟଃୱା ଆର୍ ସୋବେନ୍ ଦୁକୁଏତେ ପାର୍ମେଶ୍ୱାର୍ରାଃ ଦୁନୁଃକ ନାମ୍ ଧାଳିୟା।
ପ୍ରାଭୁ ଆପେୟାଃ ପାର୍ମେଶ୍ୱାର୍ରାଃ ତିସିଙ୍ଗ୍ ଆଚୁପେତାନ୍ ସୋବେନ୍ ଆଞ୍ଚୁ, ଚୁହୁଲ୍ତେପେ ମାନାତିଙ୍ଗେରେଦ, ପ୍ରାଭୁ ଆପେୟାଃ ପାର୍ମେଶ୍ୱାର୍ ଅତେରେନ୍ ସୋବେନ୍ ଜାତିକଏତେ ମାରାଙ୍ଗ୍ କାଜିତେୟାଏ ବାଇପେୟା। ଅଡ଼ଃ ପ୍ରାଭୁ ଆପେୟାଃ ପାର୍ମେଶ୍ୱାର୍ରାଃ କାଜିପେ ମାନାତିଙ୍ଗ୍ରେଦ ନେ ସୋବେନ୍ ଆଶିଷ୍ ଆପେୟାଃରେ ଟଗୱା ଅଡ଼ଃ ଆପେତାଃ ସେଟେରା। ....ଆପେ ବଲ ଅଡ଼ଃ ଅଡ଼ଙ୍ଗଃ ଇମ୍ତାପେ ଆଶିଷଃୱା। ମୁସାଃଏଟାଃ ପୁଥି 28:1-6
ଅଡ଼ଃ ଆମ୍ ନେ ଜାତିରେନ୍କ ନେ ସୋବେନ୍ କାଜିମ୍ ଉଦୁବାକରେ ଅଡ଼ଃ ଇନ୍କୁ ପ୍ରାଭୁ ଚିନାଃ ନାଗେନ୍ତେ ନେ ସୋବେନ୍ ମାରାଙ୍ଗ୍ ଦୁକୁରେୟାଃ କାଜି ଆଲେରେୟାଏ କାଜିୟାକାଦା, ଚାଏ ଆଲେୟାଃ ଏତ୍କାନାଃ ଚିକାନାଃ? ଚାଏ ଆଲେ ପ୍ରାଭୁ ଆଲେୟାଃ ପାର୍ମେଶ୍ୱାର୍ରାଃ ଚିନାଃଲେ ପାପ୍କାଦା ମେନ୍ତେକ କୁଲୁମେରେଦ? ଆପେୟାଃ ଆପୁକ ଆଇଙ୍ଗ୍କ ବଗେକିଦିଙ୍ଗା ... ଅଡ଼ଃ ଆଇଁଙ୍ଗ୍ ବାଗେକିଦିଙ୍ଗ୍ତେ ଆଇଁଙ୍ଗାଃ ଆଞ୍ଚୁ କାକମାନାତିଙ୍ଗ୍କେଦା, ଯିର୍ମିୟାଁ 16:10-11
- Post Date
- Apr 24, 2026
- Emotion
- 0
