Ki Jaka jong ki Jingpynjot bad Ki Jaka jong ki Jingkyrkhu

Ka Jutang Bathymmai U Blei, Kaba Wanrah ïa ki Jingkyrkhu Haba Ngi Sumar, ka Don ha ka Balang U Blei

Ha ka por eksodos jong ki Israel, ki jingpynjot ki la ngat halor ka Ijipt baroh, hynrei, ym don ki jingpynjot ki la wan ha ki Israel. Kane ka dei ka jingïapher hapdeng ka jaka ba don ka jutang U Blei bad ka jaka ka bym don. U Blei u la ai ka jingkular kaba khraw ba hangno hangno ba la sumar ïa ka hukum jong U—Ka Niam Ka Jinglait ka jutang bathymmai—ki briew jong U kin ïoh jingkyrkhu haba ki wan hapoh bad haba ki leit shabar ruh, bad Un pynkyntiew ïa ki ha khlieh ki jaid bynriew ka pyrthei baroh.

Ka Jutang Bathymmai: Ka Jingkular U Blei Kaba Teh ïa U Blei bad ïa u Bynriew kum Ki Kmie Ki Kpa bad ki Khun

Ki nongïathuhlypa u Isaïah, u Sephanaïah, bad u Petros ki phla ba ka jingpynjot bakhraw da ka ding kan wan halor kane ka pyrthei namar ka pyrthei kam sumar ïa ka jutang bathymmai, kum ka sngi Sabbaton bad Ka Niam Ka Jinglait U Blei. Ka Baibl ka phla ba tang da kaba sumar ïa ka jutang U Blei u briew u lah ban long ki khun jong U Kpa U Khrist Ahnsahnghong bad Ka Blei Ka Kmie bad ïoh ïa ka jingïada U Blei na ki jingpynjot baroh.

“Te kan jia, lada men shahshkor biang biang ïa ka ktien jong U TRAI uba U Blei jong me, ïa ka ban sumar ban leh ruh ïa ki hukum jong u baroh kiba nga hukum ïa me ha kane ka sngi, ba U TRAI uba U Blei jong me un pynkyntiew ïa me ha khlieh ki jaid bynriew ka pyrthei baroh: te kine ki jingkyrkhu baroh kin wan ha me, bad kin lap ïa me, lada men shahshkor ïa ka ktien U TRAI uba U Blei jong me. . . . Ka jingkyrkhu ïa me haba me wan hapoh, bad ka jingkyrkhu ïa me haba me leit shabar ruh.” Deuteronomi 28:1–6

“Te haba men pyni ha kine ki briew ïa kine ki ktien baroh, bad ba kin ong ha me, ‘Namar balei ba U TRAI u la kren ïa kane ka jingshitom bakhraw baroh ïa ngi? Lane kaei ka jingleh bymhok jong ngi? Lane kaei ka pop jong ngi kaba ngi la leh ïa U TRAI U Blei jong ngi?’ hangta men ong ha ki, ‘Namar ki kpa jong phi ki la iehnoh ïa nga,’ . . . ‘bad kim shym sumar ïa ka aiñ jong nga;’ ” Jeremaïah 16:10–11