ਆਫ਼ਤਾਂ ਦਾ ਸਥਾਨ ਅਤੇ ਆਸ਼ੀਸ਼ਾਂ ਦਾ ਸਥਾਨ

ਪਰਮੇਸ਼ਵਰ ਦਾ ਨਵਾਂ ਨੇਮ ਜਿਸ ਦਾ ਪਾਲਣ ਕਰਨ ਤੇ ਆਸ਼ੀਸ਼ਾਂ ਪ੍ਰਾਪਤ ਹੁੰਦੀਆਂ ਹਨ, ਚਰਚ ਆਫ਼ ਗੌਡ ਵਿੱਚ ਪਾਇਆ ਜਾਂਦਾ ਹੈ।

ਇਸਰਾਏਲੀਆਂ ਦੇ ਕੂਚ ਦੇ ਸਮੇਂ, ਸਾਰੇ ਮਿਸਰ ਉੱਤੇ ਆਫ਼ਤਾਂ ਆਈਆਂ, ਪਰ ਇਸਰਾਏਲੀਆਂ ਉੱਤੇ ਕੋਈ ਆਫ਼ਤ ਨਹੀਂ ਆਈ। ਇਹੀ ਪਰਮੇਸ਼ਵਰ ਦੇ ਨੇਮ ਵਾਲੀ ਜਗ੍ਹਾ ਅਤੇ ਇਸ ਤੋਂ ਬਿਨਾਂ ਨੇਮ ਵਾਲੀ ਜਗ੍ਹਾ ਵਿੱਚ ਬਿਲਕੁਲ ਅੰਤਰ ਸੀ। ਪਰਮੇਸ਼ਵਰ ਨੇ ਇੱਕ ਵੱਡਾ ਵਾਅਦਾ ਕੀਤਾ ਹੈ ਕਿ ਜਿੱਥੇ ਵੀ ਉਨ੍ਹਾਂ ਦਾ ਹੁਕਮ—ਨਵੇਂ ਨੇਮ ਦਾ ਪਸਾਹ—ਦਾ ਪਾਲਣ ਕੀਤਾ ਜਾਵੇਗਾ, ਉੱਥੇ ਉਨ੍ਹਾਂ ਦੇ ਲੋਕ ਅੰਦਰ ਆਉਂਦੇ ਅਤੇ ਬਾਹਰ ਜਾਂਦੇ ਹੋਏ ਵੀ ਧੰਨ ਹੋਣਗੇ, ਅਤੇ ਉਹ ਉਨ੍ਹਾਂ ਨੂੰ ਧਰਤੀ ਦੀਆਂ ਸਾਰੀਆਂ ਕੌਮਾਂ ਤੋਂ ਉੱਚਾ ਕਰਨਗੇ।

ਨਵਾਂ ਨਿਯਮ: ਪਰਮੇਸ਼ਵਰ ਦਾ ਵਾਅਦਾ ਜੋ ਪਰਮੇਸ਼ਵਰ ਤੇ ਮਨੁੱਖ ਜਾਤੀ ਨੂੰ ਮਾਤਾ-ਪਿਤਾ ਅਤੇ ਸੰਤਾਨ ਦੇ ਰੂਪ ਵਿੱਚ ਬੰਨ੍ਹਦੀ ਹੈ।

ਨਬੀ ਯਸਾਯਾਹ, ਸਫ਼ਨਯਾਹ ਅਤੇ ਪਤਰਸ ਗਵਾਹੀ ਦਿੰਦੇ ਹਨ ਕਿ ਇਸ ਧਰਤੀ ਉੱਤੇ ਅੱਗ ਦੀ ਇੱਕ ਵੱਡੀ ਆਫ਼ਤ ਆਵੇਗੀ ਕਿਉਂਕਿ ਦੁਨੀਆਂ ਨਵੇਂ ਨੇਮ ਨੂੰ ਨਹੀਂ ਮਨਾਉਂਦੀ, ਜਿਸ ਵਿੱਚ ਪਰਮੇਸ਼ਵਰ ਦਾ ਸਬਤ ਦਾ ਦਿਨ ਅਤੇ ਪਸਾਹ ਸ਼ਾਮਲ ਹਨ। ਬਾਈਬਲ ਗਵਾਹੀ ਦਿੰਦੀ ਹੈ ਕਿ ਸਿਰਫ਼ ਪਰਮੇਸ਼ੁਰ ਦੇ ਨੇਮ ਨੂੰ ਮੰਨ ਕੇ ਹੀ ਮਨੁੱਖਜਾਤੀ ਪਿਤਾ ਮਸੀਹ ਆਨ ਸਾਂਗ ਹੌਂਗ ਅਤੇ ਮਾਤਾ ਪਰਮੇਸ਼ਵਰ ਦੀ ਸੰਤਾਨ ਬਣ ਸਕਦੀ ਹੈ ਅਤੇ ਸਭ ਆਫ਼ਤਾਂ ਤੋਂ ਪਰਮੇਸ਼ਵਰ ਦੀ ਸੁਰੱਖਿਆ ਪਾ ਸਕਦੀ ਹੈ।

ਤਾਂ ਐਉਂ ਹੋਵੇਗਾ ਕਿ ਜੇ ਤੁਸੀਂ ਯਹੋਵਾਹ ਆਪਣੇ ਪਰਮੇਸ਼ੁਰ ਦੀ ਅਵਾਜ਼ ਮਨ ਲਾ ਕੇ ਸੁਣੋ ਅਤੇ ਉਸ ਦੇ ਸਾਰੇ ਹੁਕਮਾਂ ਦੀ ਪਾਲਨਾ ਕਰ ਕੇ ਪੂਰਾ ਕਰੋ ਜਿਨ੍ਹਾਂ ਦਾ ਮੈਂ ਅੱਜ ਤੁਹਾਨੂੰ ਹੁਕਮ ਦਿੰਦਾ ਹਾਂ ਤਾਂ ਯਹੋਵਾਹ ਤੁਹਾਡਾ ਪਰਮੇਸ਼ੁਰ ਤੁਹਾਨੂੰ ਧਰਤੀ ਦੀਆਂ ਸਾਰੀਆਂ ਕੌਮਾਂ ਉੱਤੇ ਉੱਚਾ ਕਰੇਗਾ। ਜੇ ਤੁਸੀਂ ਯਹੋਵਾਹ ਆਪਣੇ ਪਰਮੇਸ਼ੁਰ ਦੀ ਅਵਾਜ਼ ਸੁਣੋ ਤਾਂ ਏਹ ਸਾਰੀਆਂ ਅਸੀਸਾਂ ਤੁਹਾਡੇ ਉੱਤੇ ਆਉਣਗੀਆਂ ਸਗੋਂ ਤੁਹਾਡੇ ਪਿੱਛੇ ਪੈ ਕੇ ਤੁਹਾਨੂੰ ਮਿਲਣਗੀਆਂ। . . . ਮੁਬਾਰਕ ਹੋਵੋਗੇ ਤੁਸੀਂ ਆਪਣੇ ਅੰਦਰ ਵਿੱਚ ਆਉਣ ਵਿੱਚ ਅਤੇ ਮੁਬਾਰਕ ਹੋਵੋਗੇ ਤੁਸੀਂ ਆਪਣੇ ਬਾਹਰ ਜਾਣ ਵਿੱਚ। ਬਿਵਸਥਾ ਸਾਰ 28:1–6

ਤਾਂ ਐਉਂ ਹੋਵੇਗਾ ਕਿ ਜਦ ਤੂੰ ਏਹ ਸਾਰੀਆਂ ਗੱਲਾਂ ਏਸ ਪਰਜਾ ਨੂੰ ਦੱਸੇਂਗਾ ਓਹ ਤੈਨੂੰ ਆਖਣਗੇ ਭਈ ਯਹੋਵਾਹ ਨੇ ਏਹ ਸਾਰੀ ਵੱਡੀ ਬੁਰਿਆਈ ਸਾਡੇ ਵਿਰੁੱਧ ਕਿਉਂ ਆਖੀ ਹੈ? ਅਤੇ ਸਾਡੀ ਬਦੀ ਕਿਹੜੀ ਹੈ? ਅਤੇ ਸਾਡਾ ਪਾਪ ਕਿਹੜਾ ਹੈ ਜਿਹੜਾ ਅਸਾਂ ਯਹੋਵਾਹ ਆਪਣੇ ਪਰਮੇਸ਼ੁਰ ਦੇ ਵਿਰੁੱਧ ਕੀਤਾ? ਤਦ ਤੂੰ ਓਹਨਾਂ ਨੂੰ ਆਖੀਂ ਕਿ ਤੁਹਾਡੇ ਪਿਉ ਦਾਦਿਆਂ ਨੇ ਮੈਨੂੰ ਤਿਆਗ ਦਿੱਤਾ, ਯਹੋਵਾਹ ਦਾ ਵਾਕ ਹੈ... ਮੈਨੂੰ ਤਿਆਗ ਦਿੱਤਾ ਅਤੇ ਮੇਰੀ ਬਿਵਸਥਾ ਦੀ ਪਾਲਨਾ ਨਾ ਕੀਤਾ। ਯਿਰਮਿਯਾਹ 16:10–11