Chwng Kaitorni Swmai Kwtalno Tẃi Phuru Khe Hamarirok Manmani, Abo Kaitorni Motha-o Se Manwi Mano
Israilsarok Ijip hani lam rw phuru, Ijip ha gwnangwino birmanrok klai phai kha, phiya ba Israilsarokni saka-o khe mungsa birmanrok klai phai li ya. Omono Kaitorni swmai tongmani jaga bai Kaitorni swmai kwrwi jagani kwcharo srai-srai khe pherlaimani. Kaitor hai hwnwi kotorma swmai rw kha, jesa jaga-o Bini dagimung— swmai kwtalni Yókma Ter—tẃijago, Bini bororok Bisingo hapma jora-o tei phataro ongkhorma jora-obo hamari gwnang wngnai, tei Bó bórokno ha sakani bebak dopharokni slái kuchugo tisanai.
Swmai Kwtal: Kaitor bai Bororokno Ma-Pha tei Bwsarok Khe Khamani Kaitorni a Swmai
Diyari Jisaia, Japhania, tei Pitor bórok, o ha saka-o hórni kaisa kotorma birman phai anw hwnwi sakki rw-o tamni bagwi hwn khe o swngchar swmai kwtalno tẃi yani bagwi, oro-o Kaitorni Sabat sal bai Yókma Ter khopjago. Baibelo hai hwnwi sakki rw-o Kaitorni swmaino tẃi khe simi se bororok Apha Ahnsahnghong bai Ama Kaitorni bwsarok wngwi mano hwnwi tei bebak birmanrokni yakni Kaitorni katirwmungnobo yachagwi mano hwnwi.
“Tumungno norok Subraiyung norokni Kaitorni kók khna súk khe tei ang tini norokno rwmani dagimarokno bebakno khir-khir khe tẃi khe, Subraiyung norokni Kaitor norokno ha sakani bebak dopharokni slái kuchugo tisanai. Tumungno norok Subraiyung norokni Kaitorni kókno khna kha hwn khe, o bebak hamarirok norokni thani sók phainai tei nono tẃiwi tongnai. . . . Bisingo hapma jora-o tei phataro ongkhorma jora-obo norok hamari gwnang wngnai. Uáinwini Sa Phima 28:1–6
O bororokni thani nwng o bebak kókrokno sa khe bórok nono hai hwnwi sẃng anw, “Subraiyung ba chini bagwi tamni aswk kirimasingchani kók ba sa lang? Chwng tamo cha ya khlai kha? Chini Subraiyung Kaitorni thani chwng ba bubo tẃi sumsok khlai kha?” Aphuru khe nwng bórokno sa di: Abo khe nini chuchusong ano yakarwi, . . . tei ani kerongrokno rákhok li ya wngma bagwi; Jirimia 16:10–11
- আগের তারিখ
- Apr 24, 2026
- সহানুভূতি
- 0
