Plekke van Rampe en Plekke van Seëninge

God se nuwe verbond, wat seëninge bring wanneer dit onderhou word, word in die Kerk van God gevind

Ten tyde van die Israeliete se uittog het rampe oor die hele Egipte geval, maar geen rampe het oor die Israeliete gekom nie. Dit was presies die verskil tussen ʼn plek met God se verbond en ʼn plek daarsonder. God het ʼn groot belofte gegee dat waar ook al Sy gebod – die Pasga van die nuwe verbond – gehou word, Sy volk geseën sal wees wanneer hulle ingaan en geseënd sal wees wanneer hulle uitgaan, en Hy sal hulle hoog stel bo al die nasies op die aarde.

Die Nuwe Verbond: God se belofte wat God en die mensdom as ouers en kinders bind

Die profete Jesaja, Sefanja en Petrus getuig dat ʼn groot ramp van vuur oor hierdie aarde sal kom omdat die wêreld nie die nuwe verbond nakom nie, wat God se Sabbatdag en die Pasga insluit. Die Bybel getuig dat slegs deur God se verbond te hou, die mensdom die kinders van Vader Christus Ansanghong en God die Moeder kan word en God se beskerming teen alle rampe kan ontvang.

“As jy aandagtig luister na die stem van die HERE jou God deur al sy gebooie wat ek vandag vir jou voorskryf, nougeset na te kom, sal die HERE jou God jou verhoog bo al die nasies van die aarde. Al hierdie seëninge sal jy ontvang, en dit sal jou deel word as jy luister na die stem van die HERE jou God: . . . “Geseënd sal jy wees wanneer jy terugkeer en geseënd sal jy wees wanneer jy uittrek. Deuteronomium 28:1–6

“Wanneer jy al hierdie woorde aan hierdie volk bekend maak, sal hulle jou vra, ‘Waarom het die HERE al hierdie groot rampe oor ons aangekondig? Wat is ons sondeskuld en wat is ons sonde waarmee ons teen die HERE ons God gesondig het?’ Dan moet jy vir hulle sê, ‘Omdat julle voorouers My verlaat het,’ . . . my wet het hulle nie nagekom nie. Jeremia 16:10–11