ຄິດສະຕະຈັກຂອງພະເຈົ້າໄດ້ຖືກສ້າງຂຶ້ນ ເທິງພື້ນຖານຂອງບັນດາອັກຄະທູດ
ຈຳນວນຜູ້ເຂົ້າຊົມ 34 ຄັ້ງ #ພະເຈົ້າເອໂລຮິມ #ຄຳໝັ້ນສັນຍາໃໝ່ #ຄວາມພົ້ນ[ຄິດສະຕະຈັກຂອງພະເຈົ້າທີ່ພະເຢຊູຊົງສ້າງຕັ້ງຂຶ້ນ ເປັນຄິດສະຕະຈັກດຽວທີ່ມີຄວາມຈິງແຫ່ງຄວາມພົ້ນ]
ຄິດສະຕະຈັກທີ່ພະເຢຊູຊົງປະທານຄວາມພົ້ນ ເມື່ອພະອົງຊົງສະເດັດມາສູ່ໂລກນີ້ ເມື່ອ 2 ພັນປີກ່ອນ ແລະ ຕັ້ງປັດສະຄາແຫ່ງຄໍາໝັ້ນສັນຍາໃໝ່ຂຶ້ນ ແລະ ຄິດສະຕະຈັກທີ່ ຜູ້ເຊື່ອຖືໃນຄິດສະຕະຈັກຕອນຕົ້ນເຊັ່ນ: ອັກຄະທູດໂປນ, ເປໂຕ ແລະ ໂຢຮັນໄດ້ເຂົ້າຮ່ວມແມ່ນ ຄິດສະຕະຈັກຂອງພະເຈົ້າ. ຢ່າງໃດກໍຕາມ, ປະມານສະຕະວັດທີ 4, ລະບຽບການຂອງພະເຈົ້າໄດ້ຖືກຍົກເລີກ ແລະ ທໍານຽມຂອງພວກນອກສາສະໜາໄດ້ແຊກຊຶມເຂົ້າມາໃນຄິດສະຕະຈັກ. ຄວາມສະຫວ່າງແຫ່ງຄວາມພົ້ນໄດ້ສູນຫາຍໄປ ແລະ ຍຸກມືດທາງສາສະໜາກໍໄດ້ເລີ່ມຕົ້ນຂຶ້ນ.
[ຄິດສະຕະຈັກຂອງພະເຈົ້າທີ່ພະຄິດພະອັນຊັງໂຮງ ຜູ້ຊົງສະເດັດມາເທື່ອທີສອງເພື່ອຊ່ວຍມະນຸດຊາດ ຊົງສ້າງຕັ້ງຂຶ້ນ]
ອີງຕາມຄໍາທໍານວາຍຂອງພະຄໍາພີ, ພະຄິດພະອັນຊັງໂຮງໄດ້ຊົງສ້າງຕັ້ງຄິດສະຕະຈັກຂອງພະເຈົ້າ ໃນເກົາຫຼີ ໃນປີ 1964 ແລະ ຊົງນໍາພາຄິດສະຕະຈັກ ດ້ວຍຄວາມຈິງຂອງປັດສະຄາແຫ່ງຄໍາໝັ້ນສັນຍາໃໝ່ ເທິງພື້ນຖານຂອງພະຄໍາພີ ແລະ ເທິງພື້ນຖານຂອງຜູ້ປະກາດພະຄໍາ. ພະອົງໄດ້ຊົງພິຍານແກ່ບັນດາລູກຂອງພະອົງກ່ຽວກັບ ພະເຈົ້າພະມານດາ ຜູ້ຊົງສະເດັດມາສູ່ໂລກນີ້ ເພື່ອຊ່ວຍມະນຸດຊາດໃຫ້ພົ້ນ ໂດຍຊົງກ່າວວ່າ “ເປໂຕຕິດຕາມພະເຢຊູ ແລະ ຂ້ອຍຕິດຕາມພະມານດາ.”
ເຖິງຄິດສະຕະຈັກຂອງພະເຈົ້າ ເຊິ່ງຢູ່ໃນເມືອງໂກລິນໂທ ຄືເຖິງພວກທີ່ເປັນປະຊາຊົນຜູ້ບໍລິສຸດຂອງພະເຈົ້າທຸກຄົນ ຜູ້ທີ່ເປັນຂອງພະອົງ ໂດຍການຮ່ວມເຂົ້າກັບພະເຢຊູຄິດ ແລະ ເຖິງທຸກຄົນໃນທຸກແຫ່ງຫົນ... 1 ໂກລິນໂທ 1:2
ພວກທ່ານຄືກັນ ພວກທ່ານໄດ້ຖືກສ້າງຂຶ້ນເທິງພື້ນຖານ ວາງລົງໂດຍພວກອັກຄະທູດ ແລະ ພວກຜູ້ປະກາດພະຄໍາຮ່ວມກັບພະເຢຊູຄິດນັ້ນເອງ ຄືຫີນເສົາເອກ. ເອເຟໂຊ 2:20
- ວັນທີໂພດສ໌
- Nov 28, 2025
- ຄວາມຮູ້ສຶກ
- 9
