Swmai Kwchammobo haino tei Swmai Kwtalobo Haino Kainwnwi Jora-o’-no Totro Tammani Ter Bororokno Khá Kiphilnani Bagwi Koio
Kaitor kwthar calendarni talsnini puilani salo Totro Tammani Ter hwnwi chongwi rw kha hakhe chwng Bó taktak mwtaino khuluma-o klainai a Israilsarokni sumsokrokno nakarwi tei bórokno tei kaisa Dagimung Kaichirokno yapharmani a jorano muitu khlaiwi, Súchajakmani Salno muitu khlaiwi manna tẃi khe. Abono karwibo, Totro Tammani Tero khá kiphilnani bagwi ringwi totroni khorangno khnarwjakmani hai kheno, Jisubo haino o ha-o phaiwi, “Khá Kiphil di,” hwnwi saui bororokno khá kiphilnani bagwi koi phai kha.
Khá Kiphilmani Wng Kha Khoroksani Swkangni Sumsokrokni Bagwi Khá Khammwi tei Kaitorni Aro Kiphilwi Thángmani se
Chwng Khásiya Bwslani Rwngthoma-o tei Ninobini khorok 120,000 bororokno mwthangjakmungo tẃithernai a Jonani patimungo nugwi manam hai, khá kiphilmungni samungni yagulo se je phuru phano Kaitorni aroni kotorma kotorma hamarirok tiyar khlaijago. Tinibo haino, chwng Jona hai khe—chwng swngchar paising kiphilwi thángmani a mokolni bagwi tei bwkháni bagwi—khá kiphilsúknani se nangnai, tei swngchar gwnangwino Khristo Ahnsahnghong bai Ama Kaitorni aro kiphilwi phai di hwnwi ringwi totro tammnani nangnai.
“Israilsarokno hai hwnwi sa di, nokha talsni talni, puilani salo nwng kwchang kwchang khe lengla di tei totrorok tamwi muitu khlaima bai kwthar kuthum laimung kuthum di.”
Lebi 23:24
“Abo bai’-no o Israilrok, ang norokno borok thwgwi sakni samung tangma hai’-no buj thumnai hwnwi Subraiyung Kaitor sa-o. Bebak samung hamya khlaimani kiphil di, wng ya khe samung hamya bai’-no ma thwinai.”
Esekiel 18:30
- আগের তারিখ
- 2026 Sep 11
- সহানুভূতি
- 0
