U Briew ne U Blei

U Jisu, Uba La Wan Kum U Briew 2,000 Snem Mynshwa, U Dei U Blei Uba La Wan Ban Pynim Ïa U Briew

Naduh ba U Jisu u la wan kum u briew, u la bam ïa ka jingbam jong ki briew, bad u la im kumba im ki briew, bun ki briew kim shym la ithuh ïa U kum U Blei bad kyntait ïa U. Namarkata ka Baibl ka hikai ïa ngi ba ka mynsiem baroh kaba phla ba U Jisu u la wan ha ka doh ka long na U Blei, bad ka mynsiem baroh kaba bymphla ïa kane ka long ka mynsiem jong u nongïaleh pyrshah ïa U Khrist.

Ki Dkhot Ka Balang U Blei Ki La Pdiang Hok ïa U Blei, Da kaba Shim ïa Ka Mynbarim kum ka Jinghikai.

Ha ka juk jong U Mynsiem Bakhuid, U Khrist Ahnsahnghong bad Ka Blei Ka Kmie ki la wan ban pynim ïa u khun bynriew. Khnang ba u khun bynriew un ïoh ïa ka jingkyrkhu jong ka jingpynim na U Blei, ki dei ban buh noh shuwa ïa la ki jong ki jingmut lypa bad ban ngeit ïa ka jingïathuhlypa jong ka Baibl, kaba pynbna ba U Blei un wan ha ka sien kaba ar ha ka doh.

[U]ba mon ba ki briew baroh kin ïohlait im, bad ba kin poi sha ka jingtip ïa ka jingshisha. Namar don uwei U Blei, bad uwei u ksiang ruh hapdeng U Blei bad ki briew, U Khrist Jisu, uba u hi ruh u briew... 1 Timothi 2:4–5

Da kane phi ithuh ïa uta U Mynsiem U Blei: ka mynsiem baroh kaba phla ïa U Jisu Khrist ba u la wan ha ka doh, ka long na U Blei: bad ka mynsiem baroh ka bymphla ïa U Jisu kam long na U Blei. Te kane ka long kata ka mynsiem jong uta u nongïaleh pyrshah ïa U Khrist... 1 Ïoannis 4:2–3