2,000 Bisi Swkangno Borok Wngwi Phainai á Jisu Wng Kha, Bororokno Mwthangnani Bagwi Phainai A Kaitor Se
Jisu borok wngwi phaiwi, borokni chámungno cháui, borok hai kheno tongwi tong phai kha ba, lekhai kul pái ya bororok Bóno Kaitor hwnwi siniui man li ya tei Bóno yachak lai li ya. Aboni bagwino Baibelo chwngno hai hwnwi phwrwngo, Jisu Khristo’-no borok wngwi phai kha hwnwi gosinai borok bo Kaitorni aroni Pholano man kha, tei Jisu Khristono borok wngwi Kaitorni aroni phai kha hwnwi gosi ya borok bo wng kha Khristoni kena arini aroni phola.
Kaitorni Mothani Adongrok Swkangni Kókno Phrwngmung hwnwi Yachagwi Kaitorno Sói Khe Yachak Kha
Phola Kwtharni molo, Khristo Ahnsahnghong bai Ama Kaitor bororokno mwthangnani bagwi phai kha. Bororok Kaitorni aroni mwthangjakmungni hamarino manna bagwi, bórok puila-o bórokni sakni uansukmungrokno se khibiui rohornani nagranai, tei Kaitor bahan bwthẃi-o khe phainai hwnwi sakhlaijakmani Baibelni a kók diyarino puitu khlainani se nangnai.
bebak bororok’-no mwthangjagwi kubuino si thung hwnwi bo nai-o. Tamni hwn ba Kaitor wng kha khoroksa’-no, phiya Kaitor bai bororokno kwtha rwnai khoroksa tongo, abo wng kha borok Khristo Jisu... 1 Timothi 2:4–5
Nwng a Phola Kaitorni da Kaitorni ya omo tẃi khe saui man anw: Jisu Khristo’-no borok wngwi phai kha hwnwi gosinai borok bo Kaitorni aroni Pholano man kha, tei Jisu Khristono borok wngwi Kaitorni aroni phai kha hwnwi gosi ya borok bo Kaitorni aroni Pholano man ya. Abo wng kha Khristoni kena arini aroni phola se... 1 Johon 4:2–3
- আগের তারিখ
- 2026 Oct 30
- সহানুভূতি
- 1
