Lānthokpibagi Chākkhāngbagi Chāoraba Wāsak

Isorgi Singlup ( Church Of God ) Na Isorgi Chāoraba Wāsak Amadi Achumba Nungsiba Yāoriba Lānthokpibagi Chākkhāngba Adu Pāngthok’i.

Mioiba khudingmakpu hinghanbagi achouba apamba aduga loinana Isorna Lānthokpibagi Chākkhāngba hāiba chāoraba wāsak adu lingkhatpiramkhi. Krosta pāng tingdringeigi mamānggi ahing aduda, Mahākna eikhoigi maphamda Mahākki aroiba aningba asi thambiduna yāthang pibiri, “Nakhoina Lānthokpibagi Chākkhāngba asi pāngthokkadabani.”

Karigidamak Khrista Ahnsahnghongna AD 325 da mutkhatkhiba Lānthokpibagi Chākkhāngba adu amuk hanna semgatpiramlibano?

Isor Masāmakna eikhoina pāngthoknaba yāthang piramba Lānthokpibagi Chākkhāngba asi mioibagi mapanggalna keidoungeidasu muthatpa ngamloi. Ijiptta matam sāngna mināi oina leiramba Isrāyelgi machāsingbu Lānthokpibagi Chākkhāngbagi thouramna ningtamhanbikhiba adugumna, sibagi yotlina punsinkhraba mioiba khudingmakpu ningtamhanbigadaba lambidi Lānthokpibagi Chākkhāngbagi achumba asi khaktani.

Adudagi lānthokpibagi chākkhāngbagi yāo machā adu hātkadaba, hāibadi hāmei yāodaba talgi chākkhāngbagi numit adu lākle. Aduga pungpham adu lāklabada, mahākna pākhonchatpa tarānithoiga chānanaba phamlammi. Mahākna makhoida hāi, “Eina awā anā nangdringeida lānthokpibagi chākkhāngba asi nakhoiga yāmna chāminnaning'i; Luk 22:7–15

Jisuna makhoida hāikhi, “Tasengnamak eina nakhoida hāiri, nakhoina Migi Machānipā adugi hakchāng chādrabadi amasung mahākki ee thaktrabadi, nakhoida hingba leite. Eigi hakchāng chāba amasung eigi ee thakpa mahāk aduna lomba nāidaba hingba phangle. Aduga eina mahākpu akonba numitta hinggat'han'gani.” Johān 6:53–54