O Le Folafolaga Sili o le Paseka

E Tausia e Le Ekalesia a le Atua le Paseka, o Loo I Ai le Folafolaga Sili a le Atua ma le Alofa Moni

I le naunau ia ola tagata uma, na faavaeina ai e le Atua le folafolaga sili o le Paseka. I le pō a o lumana‘i Lona maliu i le satauro, na Ia tuua ai Lona finagalo mulimuli, ma poloa‘i, “E tatau ona outou tausia le Paseka.”

Aiseā na Toe Faafo‘isia ai e Keriso Ahnsanghong le Paseka, Lea na Soloia i le TA 325?

O le Paseka, lea na poloa‘i mai le Atua e tausia, e lē mafai lava ona soloia e le pule faaletagata. E pei ona faasa‘olotoina Isaraelu mai le nofo pologa i Aikupito e ala i le Paseka, o le upumoni o le Paseka e na o le pau lea o le ala i le sa‘olotoga mo tagata uma, o ē ua saisaitia i filifili o le oti.

Ona oo mai ai lea o le aso o areto e le faafefeteina, e tatau ona fasi ai o le paseka. Ua oo i le itu aso, ona taoto ai lea o ia e taumafa, sa faatasi ma ia le au aposetolo e toasefulu ma le toalua. Ua fetalai atu ia ia te i latou, O lo‘u manao, ua tele lava lo‘u manao e muai ‘ai lenei paseka ma outou, a o lei oo i lo‘u tiga. Luka 22:7–15

Ona fetalai atu lea o Iesu ia te i latou, E moni, e moni, ou te fai atu ia te outou, afai tou te le aai i le tino o le Atalii o le tagata, a le inu foi i lona toto, ua le i totonu ia te outou le ola. O lē ‘ai i lo‘u tino ma inu i lo‘u toto, ua ia te ia le ola e faavavau; ou te toe faatuina foi o ia i le aso gataaga; Ioane 6:53–54