Ka Jingkular Bakhraw jong Ka Niam ka Jinglait

Ka Balang U Blei Ka Rakhe ïa Ka Niam Ka Jinglait, Kaba Bat ïa ka Jingkular Bakhraw bad ka Jingieit Bashisha jong U Blei

Da ka jingangnud kaba jylliew na ka bynta u khun bynriew baroh un im, U Blei u la seng ïa ka jingkular kaba khraw jong Ka Niam ka Jinglait. Ha ka miet shuwa ka jingïap jong U halor ka diengphna, U la iehnoh ha ngi ïa ka mon ba khatduh jong U, da kaba hukum, "Phi dei ban rakhe ïa Ka Niam ka Jinglait."

Balei U Khrist Ahnsahnghong U La PynïohBiang ïa Ka Niam Ka Jinglait, Kaba La Pynduh Noh Ha 325 HK?

Ka Niam ka Jinglait, kaba U Blei hi U la hukum ïa ngi ban rakhe, ym lah satia ban pynduh noh da ka bor briew. Kumba ki Israel, kiba la shah ïa ka jinglong mraw kaba slem ha Ijipt, ki la ïoh laitluid lyngba ka Niam ka Jinglait, ka jingshisha jong ka Niam ka Jinglait ka dei tang ka lynti sha ka jinglaitluid na ka bynta u khun bynriew baroh, uba shah teh ha ki kynjri jong ka jingïap.

Ynda kumta, la jia kata ka sngi U Kpu Bakhlem Thiat, ha kaba la dei ban kñia ïa Ka Niam Ka Jinglait. Ynda kata ka por te ka la jia, U la shong shaniah, bad kita ki apostol lem bad U. U la ong te ha ki, “Nga la kwah shikatdei eh ban bam ïa kane Ka Niam Ka Jinglait lem bad phi, katba ngam pat shah, Loukas 22:7–15

Namar kata, U Jisu u la ïathuh ha ki, “Shisha, shisha nga ong ha phi, lymda phi bam ïa ka doh jong U Khun u briew, bad ba phi dih ïa ka snam jong u, phim don ka jingim ha lade. Uno uno ruh uba bam ïa ka doh jong nga, bad ba dih ïa ka snam jong nga, u don ka jingim bymjukut: bad nga ngan pynmih pat ïa u ha ka sngi ka bakhatduh. Ïoannis 6:53–54