Ko Kinautolu Kuo Ngalo mei ai ʻa e Lao ʻo e Moʻui՛ ‘a e ʻOtua՛

Ko e Angahala ʻa ʻĀtama mo ʻIvi
naʻe Tupu ia mei he Ngalo ‘iate
kinaua ʻa e Lao ʻa e ʻOtua

Hangē ko e faiangahala ʻa ʻĀtama mo ʻIvi
koeʻuhi he naʻe ngalo ʻiate kinaua e lao ʻa e
ʻOtua, "Kuo pau ke ʻoua naʻa ke kai mei he
ʻakau ʻo e ʻilo ʻo e lelei mo e kovi," ko e
taimi pē ʻoku ngalo ai ʻiate kitautolu e lao
ʻa e ʻOtua, ʻoku tau faiangahala ai pea maʻu
ha ngaahi fakatamaki.
Naʻa mo e kuonga ko ʻeni, ʻoku folofola
ʻa e ʻOtua ʻe hoko mai ʻa e faka‘auha
fakaʻosi koeʻuhi kuo ngalo ʻi he māmani
ʻa e lao ʻa e ʻOtua—ʻa e ʻaho Sāpate
mo e Pasova ʻo e fuakava foʻou, pea
ʻoku ʻikai ke tauhi kinautolu.

Ko e ʻOtua Ahnsahnghong ʻOku Ne
Fekauʻi Kitautolu ke Tau Tauhi ʻa e
Fuakava Foʻou, ʻAho Sapate, mo e Pasova

Ko e faʻahinga ʻo e tangata ko ha ngaahi
laumālie [kau ʻāngelo] naʻe faiangahala ʻi
hēvani pea naʻe kapusi hifo kinautolu ki he māmani.
ʻE toki lava pē ke nau foki ki hēvani ʻi he taimi
ʻoku nau talangofua ai ki he folofola ʻa e ʻOtua
lolotonga ʻenau moʻui ʻi he māmani ko eni.
Hangē pē ko hono maʻu ʻe he Tuʻi ko Hesekaia
ʻa e ngaahi tāpuaki ʻi hono tauhi e lao [ʻa e Pasova]
ʻo fakatatau ki he folofola ʻa e ʻOtua, ʻoku talangofua
ʻa e Siasi ʻo e ʻOtua ki he finangalo ʻo e ʻOtua ʻaki
hono tauhi e lao ʻa e ʻOtua—ʻa e fuakava foʻou.

Tokanga kia koe na‘a ngalo ‘a Sihova ko ho
‘Otua, ho‘o ta‘etauhi ‘ene ngaahi tu‘utu‘uni,
mo ‘ene konisitūtone, mo ‘ene ngaahi fekau,
‘a ia ‘oku ou tu‘utu‘uni atu he ‘aho ni:
Teutalonome 8:11

‘Oku ‘ikai ko ia pē ‘oku ne lau mai, ‘Ēī, ‘Ēī,
te ne hū ki he Pule‘anga ‘o Hēvani; ka ko ia ‘oku
ne fai ‘a e finangalo ‘o ‘eku Tamai ‘oku ‘i Hēvani.
Ko e tokolahi te nau lea mai ‘i he ‘aho ko ē,
‘o pehē, ‘Ēī, ‘Ēī, ‘ikai ko ho huafa na‘a
mau palofisai ai? . . . Pea ko ho huafa na‘a
mau feia ai ‘a e ngaahi mana lahi?
. . . ‘o pehē, Te‘eki te u ‘iloa kimoutolu:
‘alu meiate au, ‘a e kau maumau lao.
Matiu 7:21–23