Ka Bor jong ka Jingshemphang Kaba Dei & ka Ktien U Blei

Kito Kiba Kohnguh ïa ka Ktien U Blei ki Long ki Briew Kiba Stad ki ban Lait-Im

Na ka bynta ka jingpynim jong u khun bynriew, U Blei u la ai ha ngi ïa ka Baibl bad u la seng ïa ka hukum jong ka jutang bathymmai. Kumba u Solomon u la lah ban rai mano ba long ka kmie bashisha jong uta u khunlung lyngba ka jinglong jong ka jingieit kmie, ha kane ka Ïa, U Blei u ithuh ïa kito kiba sumar ïa ka jutang bathymmai, kaba U Blei u la hukum, kum ki khun ba la jied jong U, bad u ai ïa ki ïa ka jingkyrkhu jong ka jingpynim.

Ka Balang Aïu Kaba Bud ïa ka Ktien U Blei Da ka Jingkut jong ka “Jingpynim ïa ki Mynsiem”?

Mynta, ka Balang U Blei ka bud ïa ka jingïalam jong U Khrist Ahnsahnghong bad Ka Kmie Bahabneng ka Jerusalem Bathymmai. Ki la pynïoh pat ïa ka jutang bathymmai kaba la jah noh, kum ka Sabbaton bad Ka Niam Ka Jinglait, bad ki la ai ha ngi ïa ki jinghikai baroh kiba donkam na ka bynta ka jingpynim ïa ki mynsiem jong ngi, kaba long ka jingkut jong ka jingngeit jong ngi. Dei na kane ka daw ba tang ka Balang U Blei ka don ka jingkular jong ka jingpynim.

Kumne u ong U TRAI: “Namar lai tylli ki jingryngkang ki Judah, shisha, namar saw tylli, ngan ym pynphai noh ïa ka jingpynshitom na ki; namar ki la kyntait noh ïa ka hukum U TRAI, bad kim shym sumar ïa ki aiñ jong u, bad ki jinglamler jong ki, ki la pynsakma ïa ki, ha kiba ki kpa jong ki, ki la ju ïaid . . .” Amos 2:4

ïa uba, haba ym ïohi ruh, phi ieit; ha uba, la phim ïohi mynta, hynrei, phi ngeit, phi ïasngewkmen eh da ka jingkmen ka bym lah ong bad kaba dap da ka burom; da kaba pdiang ïa ka jingkut ka jingngeit jong phi, ka jingpynim keiñ ïa ki mynsiem jong phi. 1 Petros 1:8–9