Kaitorni Kókno Khnanairok Se Mwthangjaknai a Khásijak Bororok
Bororokni mwthangjakmungni bagwi, Kaitor chwngno Baibel rw kha tei swmai kwtalnobo haino songchaui rw phai kha. Solomon bumani aroni phaimani a bumani hamjakmungni bising tẃi chwraini sói bumano siniui manmani hai khe, tabukni molobo haino, Kaitor swmai kwtalno, a Kaitorni dagimungno tẃinairokno, Bó Bini chongjak bwsarok hwnwi sini-o tei bórokno mwthangjakmungni hamarino rw-o.
“Phola Mwthangjakmung,” a Naharmung bai khe Bu Motha Kaitorni Kóktháino Rwkthar?
Tini, Kaitorni Motha Khristo Ahnsahnghong bai Chuknohani Ama Kwtal Jerusalemni tẃithermungno rwktharo. Bórok Sabat sal tei Yókma Ter, a kwmaui thángjak swmai kwtalno songcha phai kha, tei chini poitoni naharmung, abo wng kha chini phola mwthangjakmungni bagwi nangmani bebak phrwngmungrokno chwngno rw phai kha. Omoni bagwino, Kaitorni Motha-o simi se mwthangjakmungni swmai tongo.
Subraiyung hai hwnwi sa-o: “Judani bororok mungtham tei mungbrwi sumsok khlaimani bagwi ang bórokno sa se sátoknai; tamni hwn ba bórok Subraiyungni kerongno sak nang li ya tei bini raidano tẃi lai li ya, tamo khe bórokni chuchusong tei tatal lama-o him tẃi khe himwi bórokbo lama koró bai kha. Amos 2:4
Norok bono nuk ya phano hamjago. Norok tabuk bono nuk ya phano bono poito khlai-o. Aboni bagwino norok aswk belai khe tongthok lai-o, abo kók bai sa bai ya, tamni hwn ba norok poito khlaima hai kheno norokni phola mwthangjago. 1 Petor 1:8–9
- আগের তারিখ
- Dec 19, 2025
- সহানুভূতি
- 0
